السلام علیکم ورحمت اللہ و برکات.
دلگوش ! منی واجہیں برات و بانوکیں گوھاران گون راجے کماش و مہتران.
انشاءاللہ مدام دراہ و سلامت باتۓ و روچ و ساحت و پہ وشی و غل و شادانی بگوزات انت.
ماشاءاللہ ما و شما بلوچ اولا 95 در صد مسلمانیں و ایمانیں پہ شر و بد و جہنم و جنت ھست.
او اشیا ما و شما وت ھوں زانیں کہ خدائیگ و رسولے برکت و پہ اسلام برکت ما و شما شرتر و افضل تریں و سرپد تریں قومیں ماں سر زمین.
خداوندا مارا عقل و چم دست و پاد و قدرت داتگ کہ وتی بد و نیک و ھلال و حراما بزانین کہ راست کجامیںو ناراست کجامیں.
من چندے کموکیں گپ لوٹاں گون شما بہ کنان کہ بلہ دلا میارئت و ناراضیی گپ نہ ھنت بلکیں دوستیی ئی گپ انت.
کہ منا پہ وت و شما دوست بنت پمشکا اے گپاں گوں شمای کنان.
شاعرا گوشت دوست ھما انت کہ مردمے گریوایں ایت و دشمن ھما انت کہ مردمے قندین ایت.
دوستاں مارا و شمارا خدایا عقل داتگ کہ وت بہ چاریں و فکر بہ کنیں کہ باریں حقیقتیں راہ کجام انت و نا راستیں راہ کجام انت. او کئ گپ رھبند راست و کئ گپ و رھبند بی کار و رد انت.
1. باندات بلوچستان آزاتے بیت مارا مدرسہ بیت و چوکانے وانت کہ ما مسلمانیں و حتماں عربی زبانے کتاب ھوں ھورے بیت ھنچو کہ فارسی و اردو و سندھی و غیرہ دراھیں مسلمانانی مدرسیاں ھست انت
تو باید انت کہ مسلمان وتی ھلال و حراما بزانت و نمازے فرض و سنت و احکاماں بزانت.
او اشانی زانگ ماں قرآنای انت کہ قرآنی حرف چہ ما و شما بلوچانی زبانا پہ مطلبے حذف کنگ بوتگ انت و نیست انت.
دلگوش
1. اگاں کسے ستر محمد (ص) بد بہ گوشیت ما و شما زانیں کہ اے مرد رد و گمراھیں تچکیں راھی ویل داتگ. او ما و شمای زانیں کہ سردارے دوجہان دوئین جہانانی نوریں و پہ مردمانی بد گوشگا آئ ھچبر بدے نہ بیت.
او اگاں یکے ستر بگوشیت کہ ابوجھل نایافتیں مردمے بیتہ بلہ ما و شمای زانیں کہ بدے بیتگ کہ حالانکہ وتی ھوں زانتگ و شپاں مسلماں بیتگ و اللہ سجدھا کپتگ و دعای لوٹیتہ کہ اے اللہ من زاناں کہ محمد برحقیں بلے منی مول و مرادا پورا بہ کن و اللہ قدرتی زانتگ.
2. اگاں ما نماز وانگے تہا "خ" بدلا "ھ" کار و مرز بہ کنۓ کہ ما بلوچیں "خ" پہ مۓ غرا نہ نشتگ پہ زانتکاری و قصد گڈا خدا مۓ نمازاں قبول کنت .؟
بید چہ آئیاں کہ نہ زانت و وانندہ نہ ھنت پہ وتی دلا آئیان ھوں "ھ " خ" وان انت کہ اللہ دلانی مالک و زانوک انت.
3. مولوی خیر محمد ندوی صاحب کہ یک نایافت و بی بدلیں عالمے بوتگ و اولی شخص بوتگ کہ قرآنی پہ بلوچی ترجمہ کتگ و علمے دریا بوتگ کہ ادبی زبانے بلوچی اولی رھبند دئیوکیں.
کہ آ دھرا کسا چوشیں خیالے نہ بوتگ پہ بلوچی زبانے جوان کنگا کہ شما گوشیت کہ ملای بوتگ پمشکا عربی حرفی گون بلوچی زبانا ھور کتگ انت کہ اش انت. ص. ض. ط. ظ. ع. غ. ف. ق. ذ. ث. ح. خ.قرآن و عربی حرف انت.
گڈا اے دگہ حرفان شما چہ کجا زرتگ انت و چہ کجام کتابے رھبندا پٹ و لوٹ کتگ انت یا کہ اے حرفاں ھوں ھما انت کہ واجہ دھرا پہ بلوچی زبان بنگیج کتگا کار و مرز کتگ انت کہ حرفی اشان انت ا. ب. ت. س. ش. ک. ن. ء. و .ی. اے عربی انت بلہ کسی ملک نہ ھنت قرآنی و جنتی حرف انت کہ شما ھوں زانئت جنت زبان عربی انت یا کہ نہ بلوچی انت.؟
4. اگاں آ حرف نہ ھنت و دگہ حرف انت کہ عربی اش ھور نیست گڈا دلیل ل;ازم انت."
یک نشانیی بدئیت و اگاں شما گوشیت کہ پہ مۓ غرا نہ نشتگ انت و کس لہجہا نزانت اے حرف پمشکا حذف بیتگ انت.
گڈا پہ بی وانندھیں عربانی غرا ھوں نہ نشتگ انت و بلکہ لہتے عربی ملکان وانندہ اش ھوں کار و مرز نہ کن انت مثال طورا " مصر" سوریہ" لبنان" اردن " فلسطین باز عربی ملک انت کہ لہجہ و خبراش فرقے کن انت. اصلا بازین حرفے کار و مرزے نہ کن انت.
گڈا آئیانی شاھزانتاں پرچا ھما حرف حذف نہ کتگ انت و پہ آئیانی بانداتا حفاظت اش کتگ انت تا بادے مروچی کہ 30 و 40 بلوچی شاھزانتاں ھوں پہ اے حرفانی حذف کنگا راضی نہ بوتگ انت فقط سید ھاشمی حذف کتگ انت اے چہ دلیل انت.؟
5. بلوچی شھدین زبان پہ عربی حرف "ھ" تھلے نہ بیت گڈا پہ "خ" کار و مرز کنئگا تھلے بیت اے چونین گپ انت کہ ماو شما اش کنیں بارین منا پہ شری سرا سر کچ بدئیت پرچا منی عقل قبولے نہ کنت بلکیں چوکے ھفت سالگی کہ پہ وانگا بہ رسیت آئ عقل ھوں قبول نہ کنت پہ سیدے رھبندا و حرفانی حذف کنگا سبب جی بیت کنت.؟
6. کجا زانتکارا گوشت کہ عربی الفاظ گون بلوچی زبان ھور اش بہ کنئت کہ " الفاظ" بیا " بدل پہ " تعال" بہ کنئت " برو بدل پہ اذھب " نیند بدل پہ " اجلس" ورگ بدل پہ "اکل"
مرد بدل پہ " رجل" جنین بدل پہ امراہ بہ کنئت . شما وت شر زانیت کہ ما و شما چی گوشگای انت و چی انجام دئیگا انت یا کہ ما پزور چماں چوپت کنگایں.؟
7. دولتے کہ لوٹیت حاکم بہ بیت گڈا وٹ کنت کی وٹ گیشترے بنت کرسی ھمآی رسیت اگاں چہ دگہ شرترین مردم ھست بلہ اے وٹ ھمائیگ انت.
او اے حقیقتیں رھبندین زندگی ئے گڈا چطور ما و شما 20 و 30 نفرے فکرا قبول نہ کن انت و یک نفرے فکرا قبول کن انت کہ آئ رھبند صد در صد رد انت او پدا چطور ما گوشیں کہ ما بلوچ شاھزانت و زانتکاریں و اے جاھلی ئے نہ ھنت گڈا چی انت جاھلا چطور کانٹ پر بیت.؟
8. یا کہ چو کسانیں چوکے ڈولا وتی چمان بند کنیں کہ ما کسے نہ گندیں ما فکر کن انت وھدے کہ مۓ چم بند انت و ما کسے نہ گندیں دگہ ھچ کس مارا ھوں نہ گندیت بلہ مارا وشمارا اے دگہ مخلوق دراھین گندی ھرچہ کہ نزیک و چم اش پچ انت یا نہ.؟
9. پرچا بغیر چہ سیدا اے دگہ دراھین شاعر و شاھزانتاں حذف کتگیں حرف ضرورت بوتگ انت و جاھے نہ جاھے کار و مرز اش کتگ انت و اگاں کنگای انت یا کہ اے دگہ دراھین ادب و زبان بلوچی ئے دشمن بوتگ انت و ھست انت و ھچ اش نزانتگ و نزان انت بس سید ھاشمی شاھزانت ان و ادبی زبان بلوچی ئے دوستواہ بوتگ.؟
10. پرچا کم کما ادب و زبان بلوچی ئے کم رنگ بوئگای انت.
و اڑیتگ انت کسے نہ زانت کہ چی بہ کنت اگاں حرفان مان مہ دئیت نبشتانک و شاعریی مطلب اش پہ دگہ نیمگے روت و اگاں حرفان مان بہ دئیت گڈا میاریگ انت و ادب و بلوچی زبانے دشمن قرار دئیگ بنت پرچا.؟
11. چطور سیدا گون وتی ناما حرف "ظ" ھور کتگ و پدا چہ بلوچی زبان ئے حذف کتگ.
او وھدے کہ سیدا سؤال کنگ بیتگ کہ حرف "ظ" نیست چون تو گون وتی ناما ھور کتگ جوابی داتگ کہ ھو ! اے حذف کتگیں حرفاں مردم پہ ناما کار و مرز کت کنت گڈا پدا سؤال اش کتگ کہ اے حرفان کہ بلوچی زبانا نیست انت مردم چطور کار و مرز اش کت کنت گڈا جوابی نہ داتگ کہ جواب نہ بیتگ اے راست انت او دلیل چی انت .؟
شاعرا گوشت ھشت اول گر نہد معمار کج تا ثریا می رود معمار کج.
منا چہ برات و گوھاران امید انت کہ منی مول و مرادا سرپد بہ بنت کہ ھر کس راجے خیر لوٹوک انت و ھر کس ردیں چیزا ردے گوشیت و شرا شرگوشیت.
او اگاں رد بوتگ یا کہ پہ زانت بوتگ بلہ نۓ بوتگ ما باید انت ھما حذف کتگیں حرفان پدا بزور انت و رھبندا شر کنیں.
بلہ حقیقت قبول کنگ لوٹیت.
شمۓ کستر میر آسکانی بلوچ.
هیچ نظری موجود نیست:
ارسال یک نظر