پلین بلوچستان ماں جہانا بی درور انت.
گلزمین باغین سجہین گنج و گوھر انت.
مۓ زبان شہدین قرآنی حرفان برابر انت.
گپ و وش آتکان مۓ بلوچ دیوان پرور انت.
شاعر و گالبندان مۓ دلء شیر و شکر انت.
زیمل زھیریگان مۓ غم و خیالان برنت.
میر بلوچ انت سجہین راجے سرور انت.
کاڑ جنک انت کہ مۓ بلوچستان دلبر انت.
چوریگ و چکان مۓ بلوچانی مہتر انت.
عہد و قولان دراھین بلوچانی خبر انت.
سواری و مہریگ رودباری پلین ھوشتر انت.
بہارگاہ و حامینا بار بریش جونگین لیڈو انت.
ھئور شنز انت کوچیگ و تاپ دیم کھچر انت.
جت شپانک انت کہ مادگ و میشانی رھبر انت.
نیبگ و گل گونگ و ھناری ولی بر انت.
جگر کلیرانت کہ دانگی شہدا وشتر انت.
گؤشے پر خیالا مۓ بلوچ دراھین بی سر انت.
ھمساھگ بلوچانی خون وار و دراھین رستر انت.
دشمن نصیب خاک و دپ اش دراھین پر پور انت.
شومان آس روک و دلا ھوشکین سرسر انت.
مادنے تچکین پہ آسکانیا دراھین راہ ڈل انت.
پشت دریایا نشتگ و طیابی گٹ و گئر انت
هیچ نظری موجود نیست:
ارسال یک نظر