گؤش انت بلوچ قوما یک دگہ گہترین عادتے ھست ان.
یکے کہ چہ دومیگا نام دار و عژت دارترے بیت.
گڑا آئ سیاد و وت برات پریشان بنت کہ پہ ما دگہ نوکین دشمن جوان بوت و دراھین پہ آئ بڑے کپ انت کہ چطور ما اے مردا پہ گچلے دؤر بہ دئیں.
کہ پرچے اے مرد غریبانی پانک جنت بزگ و لاغران مدت کنت
دگران نئیل ایت کہ چہ آئیان مالیات پچ بگر انت دولت نئیل ایت کہ آئیان دلسیاہ و گرو بند بہ کنت. دایما چم ی پہ غریب و چوڑوان انت.
گڑا اے مردے دواء چیوے انت
کہ ما دلار و دپار پنڈان ھچ عزت نیست.
گڑا اے میرین بلوچانی دست گون آئ نرس ایت پہ ھچ ڈولء کہ گیشتریں مہلوک ھمائ دوست بنت.
نون اے میرین بلوچ ھرچے مکر وحیلہ کن انت اشانی مکر وحیلہ ناکام بنت.
گڑا یا پہ دولت ی شہید کناین انت
یا کہ وت پہ یک ڈولے دپار پنڈ و دلارین میر اے دردانگیں جوانء شہید کن انت.
بلے اے فکر نہ کن انت کہ اے کار آئیا گیشتر سردار و نام دار کنت کہ آئ زند پہ
کامابی گوزیت و نام ی وشین یادگارے بیت.
دگہ قومانی مردم اگاں نابودیں دارے بیت کدی دارے نگؤش انت بلکیں گؤش انت ی مارے گڑا ھما دار مارے بیت.
بلوچ قومء اگاں یکے مارے بیت پزور دارے کن انت ی نام ئے گار کن انت.
پرچیا آسکانی ژبان لہڑ وران انت.
پہ کرداراں بلوچی چہر وران انت.
ھما کس کہ بلوچی سروران انت.
عقل سالونک شاھی پروران انت.
زبان بازئیں بلوچی یاد گران انت.
نزانت کسے کجا ڈیہا سران انت.
ستاء کرزیت ھما کہ نام زران انت.
اللہ نظر ، میر شہیدی دروران انت.
دشمنان ی، جان درھان سرسر انت.
بلوچ چوک روچ پہ روچ دیما روان انت.
آسکانی بلوچ
هیچ نظری موجود نیست:
ارسال یک نظر