واقعاتے مۓ گوستگیں زندا

موت و زند اللہ دست ایں.

سال دوھزار و ھشتء من شوتآں پہ سئیل و گردش تہنا عصر وھدا عجمان ی دریای کرا.

تقریبا شم عصر قضاء و پیسر چہ مغربء کہ من ترئگ و تونسایتآں برات ٹیلفون آتک کہ
برو ملکے کماشء بیار کہ برابر نہنت نادراہیں او گون ما نہ یئیت بئید تو.

کماش وا نیست اے زمانئگء بلے بئید کماشیء وارث انت کہ پہ سۓ ماھی ویزای آتکہ نام ئے گیندک انت بلے پنڈ و سنڈے آتکہ چوکء سییر کنت.

خیر من چارئت باندا شپ منی کار انت گڑا براتء جواب دات کہ منۓ کاران ماں تی لوگ رسینان رندا منا بزان کار نیست کہ من وتی حق ادا کرتک پہ امراھی ترینگء آئی پسہ دات مشکل نھنت پدا یک نیمگے مردے وسرک ات.

من ھکلئت شوتآں کہ میر انگریز بوجیگء سوارتآں مغرب وھد بیت نوں قادربخش شعرے چالویں دادشاہ ی شعر انت پہ منی دلء امارات منی بڑایں دراھیں مخلوق حقوق دئیوکآں

گڑا من گاڑی دیم ترینت پہ مین روڈا دیم ابوظہبی گاڑی من پیسریء نئیشت 170 و 180 شوتآں کہ چار کشک روئگ و چار آیئگ ئیگ انت.

آ واجہان ی جاگہ نزیک ابوظہبی انت بزان خیال اؤں گور نہنت آیانی میتگے راہ رگوست پشتا و چہر کنئگ جاگہ نیست چند کیلومترا رند دوارے کئیت.

خیر بیرہ اؤں کرت پدا دیم پہ دبی و ھمایانی میتگے نیمگا بزاں یک بلاہ جلے تیزیں کشکا آستہ روئگئے خبر چہ دپا دئیر بیت

من اگاں بریک مجنان دیم گاڑیا پہ کوٹان کنت و اگاں چشیں وھدا بریک بجنآں منی گاڑی کلٹ یے بیت گڑا من بریک اشارہ کرت و فرمان کمے اشارہ کرت کہ چہ
زردین کشکء امبولانس ئیگ گوزاں.

اللہ بزانت چطور بیت گاڑیء گوں دیوالء لگیت و دیم پہ راستی نیمگا شوت و دیوالئے لگیت پدا آتک و چپی نیمگے دیوالئے لگیت و مشان بیت و اوشتات.

سئین ٹئیر گار انت رنگش پشت کپتگ انت چوٹ انت گاڑی پشتی کانچ گار انت دیم ئیگ پروشتگ او لیچ و پیچ انت بس سیٹانی جاگہ برابر انت بلے دروازگان ھم برابر نہنت.

اللہ امرا پدی آئیوکیں گاڑیاں وتا کنٹرول کرت کہ رمگ ڈولء پیداگ انت. گاڑی ھنچو کہ اوشتات من نوکری فکرا کپتاں کہ نون درے کن انت بلے گؤشئے اے پشتی گاڑیانی مردم پیسرا مجود اتنت کہ ھنچو گہاڑی اوشتات منی کرے دروازگ اش پچ کرت و من ایر کپتاں چہ گہاڑیا من ایش روڈ کرا برت و آپ اش دات من وارت جست اش کرت تو برابرئے پسہ دات الحمداللہ یکے گؤشت کہ گرم خونیں امبولانسء توار کنئت.

من گہاڑی چارئت فکر اؤں کت بلکہ گرم خونان وتی جسمء و پادان اؤں دست پر کت من چارئت نہ منا ھچ نہنت.
گڑا ھداروکی پولیس رسئت من ایش برت ماں پولیس مرکزا اے دگہ روچء قاضیء حکم کرت 23 روچ زندان و 5000 ھزار جریمہ اے من گوازینت انت نوکریء منی 23 روچ چہ سال اجازوان زورت.

مخلوق حیران بیت کہ نئے منی لیسنء سیاھیں نقطہ لگیت و نئے چہ ملکء درش کرت کہ باز کس ھنچو بوتگ ات چہ ملکء درش کرتگ اتنت و لیسن کینسل.

بزان مزنیں کوٹء وت اپیل کرت و قضیہ ئی پدا پچ کرت کہ من نلوٹیت او مردم وت اپیل کن انت
خیر من ایش ٹیلفون کرت کہ بیا فلان روچء تی محکمہ اعلی انت
ھما روچا من شوتاں قاضی حکم کرت کہ زران ئی پدا رد کنئت ھشتاد کوڈای پر کرت کہ ھر کس اے بوجیگا سوار بیت اسلام قانون انت ھشتاد کوڈا.

خیر تاں عصر بوت پدا من ایش زندان برت من وتی دلء گؤشت کہ شمارا ھرچے کنئگی انت انجام دئیت و منا یلہ دئیت تاں اے دگہ ظہرا من ایش گوانک کرت کہ برو خلاص من وت حیران بوتاں کہ اے چتو منا باور نہ بیت تاں کہ من در آتکاں ڈنا ٹیلفون کرت کہ بیایت و گہاڑی بیارئت.

بلے اولی رندا چہ زندانا آتک اؤں لوگء گڑا خاصیں برات و گہاران وت زھگان شادکامی کرت کہ مردگے پدا زندگ بوتگ.

نوں لہتے گؤشت کہ حتماں یک نیکیں کارے کرتگ ئی لہتے گؤشت کہ مات دعای گون انت
او نئے نیکیں کار کرتہ نئے کہ مات خدمت اؤں کرتہ بلہ بزاں راضیگ نبوتگاں کہ یکے منی مھربانیں ماتء بگؤش ایت کہ چدا پاد آ اودا بنند چاھے ھر کس بہ بیت و نئے منی زالء چشیں جرآت ھست کہ یک جوابے بدات اگاں چہ میار یا بے میار انت.
انچوک زاناں تاں مات زندگ انت آسمان دپ پچ انت اگاں نہ بندانت

نوں: ھمیش انت زندگی ھر کس گوں وتی بختء بلے آمردم منی ڈولیں حیرات بیت کہ نیکی مہ کنت و معجزہ بہ گیند ایت.

آسکانی بلوچ