درویش ے ھست ات کہ دو کارگری جگ و نگار کتگ ات و چیری کتگ اتنت یک ھوشاپ ے گردینگایت، بلہ مں ھر یک پل ے کہ پورا یے کت دو رکعات نماز نفل ے ونت. مطلب چہ ھوشاپ بن ائے شروع کت تاں ھوشاپ آسر رسیت گوک ے اوشتارینت انت و دو رکعات نماز نفل ے ادای کت مزنین درویشی ات.
دگہ یک شرابی یے ھست ات کہ 24 ساعتء نشو ات بلہ گون دگہ مردمان ی ھچ کار ائے کار نیست ات نۓ نیک و نۓ کہ بد گون وت و وتئ شرابء دلگوش ات پہ کس ائے کارے خیر کت نہ کرت بلہ ھچبر پہ کس ائے بدی یے نہ کت دریای کناروا مں یک درچک ے چیرا نشتگ ات.
گوڑا فرشتگاں گون اللہ پاکء درخواست و عرض اش کت کہ اللہ مارا اجازہ بدئے ما تئ اے دوئین بندہان امتحان کن ایں کہ یک ے درویش ے و یک ے کٹ شرابی ے بارین کئ پاس ے بیت.
اللہ پاکء اجازہ دات انت کہ ھچ محتل نہ ھت برویت اے منئ بندھانء امتحان کن ات.
فرشتگاں آتک انت و ھم ے درویش ایش جست کرت کہ واجہ مروچی ما چہل ھوشتر گون بارا دیستگ کہ مں یک سوچنی دومک ے گوستگ انت.
درویشء جواب دات کہ استغفراللہ انچوک این بلاھین دروغ کہ چہل ھوشتر وت و بارا کدی مں یک سوچنی دومک ے گوست کنت شما ھنچوشین دروغ ے بستین کہ قبول کنئگ ی بیتین اے وا صافین دروغ ے.
فرشتگان شوت انت دیم پہ شرابیا وھدے کہ شرابیا دیست کہ منئ گورا پیداگ انت چہ وتئ جاگاھا پاد آتک گؤشتی وش آتکے واجہاں.
فرشتگان جواب دات و کرائے نشت انت چاریت اش اوہ مرد نشوا غرق انت. شرابیا گؤشت واجہ من چئ شمۓ خدمتء بہ کناں من گورا اللہ شکر انت بغیر چہ اے بوتل شرابء دگہ ھچید نیست.
فرشتگان گؤشت واجہ ما آتکگ ایں کہ ترا یک جست ئے کن ایں کہ مروچی ما چہل ھوشتر وت و بارا دیستگ کہ مں یک سوچنی دومک ے گوستگ انت.
شرابیا نزخند کرت و جوابی دات کہ واجہاں اے وا ھچ نہ ھنت خدای پاک قدرتء شک ے نیست اللہ ھمنچوک تواناینت کہ اے پوراین دنیایء مں یک سوچنی دومکے گوازین ایت.
فرشتگان بال کت شوت انت رب بارگاہء حال اش دات انت.
اللہ تبارک و تعالیء فرمان دات کہ مں جنتء یک باغ ے پہ شرابیء سجین ات و یک جہنم ی غارے پہ درویشء.
گڑا آسکانیء گؤشت کہ خیر کاری پہ دنیای پیش دارگء بی فایدہ انت.
ھر کار پہ نیت مطابق حساب کنئگ بیت چاہ ے خراب ایں کارے بیت شر یا خیریں کارے بیت شر.
هیچ نظری موجود نیست:
ارسال یک نظر