سرگال: بلوچی گؤش کند مدرسہ
یک مدرسوے جوان کنئگ بوت پہ نام: بلوچی گؤش کند مدرسہ.
دو طالب علم کہ ماں یک بلوچی گؤش و کندے ادبیات مدرسوا وانئگایت انت کہ لہتے قرآنی حرف اش حذف کرتگ ات.
آ حرفان ایش انت.
ث،ح،خ،ذ،ص،ض،ط،ظ،ع،غ،ف،ق. :( گڑا دگہ چئے پشت کپت.؟
شوت انت پہ سئیل و گردشء کہ نیمروچء ھمودا سبارگ پیم کنت و بور انت.
دراھین بند و بسات اش برابر کرت لوھیگ اش پر کرت و بٹ گرادگء لگیت انت.
یک طالب علم کمے آکشتر پشت برزئگے ماں کلیری ساہکے نشتگ چلیم و تمپاک کشئگایت و چہ ھما باچکلوکی بلوچی کتابے کہ نوک چاپ بوتگ ات آئ وانئگایت.
دومۓ گون آس روک و ورئگ گرادگء گلایش ات و ھما قصوا بلوچی گوش دارئگایت.
ھما کہ قصوا وانئگایت یگناہء دیست ئی کہ پلاہیں جانورے کؤرا برزا پیداگ انت.
گؤشت ئی وتی سنگتء کہ بچہ بتچ آپتے پیداگ انت سنگتء ھچ نگؤشت کہ بلکہ قصہ ھمے ڈول اینت.
دومۓ برے سک توار کرت کہ بجہ بتچ آپتے پیداگ انت زاناں تو نآشکون ئے، سنگتء پسو دات کہ ترا خدای ٹوپے بلئگات غنوکۓ من پرچیا بتچاں پت و موچ انت بلی کئیت باندا من وت پتے باں.
سومۓ برا گوانکی کرت بچہ بتچ کہ آپتے نہنت "آفتے" شیری چوکی پتے.
وھدے کہ اشکوت ئی چوکے پتے نہنت شیری پتے گڑا ھر دوئینان وتی شلوار لانتک انت دراھین بند و بسات اش رمبینت انت و دست اش توہ جت انت تو بتچ کہ من تچان.
بروہکے بروات ئے دوبارگ کدی آپتے سیاہگ اش نبشتنانک نکرت آفت اش نبشتانک کرت کہ ترس اش ماں بدنء کپت پہ چشین نبشتانکاں کہ پتء و آفت پجاہ آرئگ مہ بنت.
ندکاری: اسکانی بلوچ.
هیچ نظری موجود نیست:
ارسال یک نظر