مدام گیندان بلوچستانء کہ بانور إنت.
مۓ سرمچارانی ھمیشہ شادی ؤ سور إنت.
مروچی جمبڈان گریتگ پمشکء دنز ؤ تامور إنت.
مدام ڈیھا سئ ؤ چارین جوان مۓ غار ؤ نامور إنت.
جوانین بچ غریبانی ھموک ماتء دلء براہ إنت.
منی ٹھل پر بلوچیء شہیدانی سرء پاگ إنت.
غم ؤ واھگ مۓ دراھین علامت راجء سردار إنت.
کلات ؤ ماڈیان برزین بلوچانی سروک واب إنت.
پہ حق ؤ عدل ؤ انصافء قلم مۓ نیمگء کور إنت.
پہ مال ؤ دولتی چالء جوانین مرد شپء غار إنت.
پمشکء مۓ جوانانی ھموک وھد گرد ؤ گاڑی إنت.
برین ما جنگء بازیء کہ اصل مۓ اسپء تازی إنت.
تا مینابء بگر سندء مئ بلوچانی مڈا گاہ إنت.
دراھین کھچر ؤ زئیدان حلالين مۓ چراگ جاہ إنت.
بکن دست بندیء مرچی کجامۓ غیرت پرجوش إنت.
بکن شانء بلوچیء کہ دوا ء نامردیء کوش إنت.
بیاکن عہدؤ پیمانء کہ تہارین شپ شوتگ روچ إنت.
بیا پروش إن کلاتانء کہ موسم آتکگ مۓ نوک إنت.
چد ؤ دیما مرو آسکانی تئ راه راستگین چوٹ إنت.
تراکسے گوشی نازانت کہ راہ تئ کونٹگ ؤ ڈوک إنت.
ستر گواری رگام بشی چطور سبزی ڈگار سور إنت.
مہ شینگین گوھرین گالان تمردین جاھلان زور إنت.
بکن ربا گون دست بندی کہ مہربان مۓ خداوند إنت.
گناھان در گذر ک ن مۓ کہ رحمان رب تئ جرند إنت
هیچ نظری موجود نیست:
ارسال یک نظر