اگاں کسے مال دولت بسیار انت
طالحی نیکبخت این سرا یار انت
گریشگی شیر و پیلء بیمدار انت
سیادی خویش قوم راج دار انت
پلئین پیادگ بی حساب دار انت
مجلس دیوانء شگر گال انت
حلقہان دورین میر نام دار انت
میزرین بوئی ھر جاہ آثار انت
شیطان شومین مرکبا سوار انت
روچ پہ روچ روسوا شزاوار انت
سالونکیں عقلی رفتگ وار انت
دوز و ٹیکانی سنگت و یار انت
مردما ملکے ھر روچ واو زار انت
برادراں دوستین بئید سپاہ دارانت
قیامتے روچا بی خیال دار انت
گون خداوندا مرد گئرو دار انت
قدرت ربء بی دعر و واک انت
پر ذات و ذریاتا جیڑہ جاک انت
جزم زاناں اے مرد زیان کار انت
آخری جاگہ جہل بنین چات انت
کردگار پاکین شاہ جبار انت
دائما مۓ یار و خیال دار انت
مصطفی محمد شاہ دوستدارانت
محشرروچا شفاعت ذمہ دار انت
گر کسے مؤمن پرھیز گار انت
جنت الفردوسء شری دار انت
یا خدا آسکانی تئ گناہ کار انت
رحم کن کلین تئ ساہ دار انت
هیچ نظری موجود نیست:
ارسال یک نظر