بسم اللہ الرحمن الرحیم
قل ھواللہ احد رب رحمان رحیما یاد کنیں.
مالک الملک ان خدای اسم اعظم یاز کنیں.
خالق ان پروردگار مۓ ذکر و توحیدے کنیں.
فرض وسنت امراللہ ان مدام پنچ نمازکنیں.
دو نوھین ناماں خدای پہ دل تکرارے کنیں.
حجت ان قرآن بہشت و جنتی گالوار کنیں.
مہربانیں ربے بار گاھا غلہ و فریاتے کنیں.
بات بلوچ دراھین تپاک بید ذات ذریات کنیں.
مصطفی سردار عالما پہ یقین اقرار کنیں.
قیامتا خاتمیں نبی ے شفاعتا طلبگار کنیں.
چارین یارنی عدل انصافا وتئ اختیار کنیں.
ربیدگ و دودا بلوچی اھدیگیں برقرار کنیں.
مہر وفاء ان گلزمینے بدواھان بیوار کنیں.
گوادرے لونجین دریایا دشمناں اوگارکنیں.
کینگ و ضد و حسداں سجہیں انگار کنیں
ھور بئیں دراھین بلوچ برادران اوپار کنیں
پر قطار بندیں میان و دشمنان ناچار کنیں.
شوم و شانزدہ و ردانی پد و رندا گار کنیں.
غیرت وشانا بلوچی نوجواناں ھوش کنیں.
مہر و دوستی و تپاکیےشربتان نوش کنیں.
پاگے بندیں مں سرا و نوہ گزی شلوار کنیں.
صلح و ترانا ریش کماشان وتئ گہتر کنیں.
پشک و سریگان دست گوپی پل دوچ کنیں.
چادرا بندین کمرزان ورومالا روپوش کنیں.
واھگ این گیند و گدران وتئ دستدار کنیں.
بلوچستان بیہ این بلوچی وتا شریدار کنیں.
جاہ جنیت مردان مروچی بیا وتا آباد کنیں.
نوکر و بیگار غلام این غمان درشان کنیں.
تحم چنڈے گلزمینا جنتری دان دروش کنیں
ھور تورانت ذرت جو گندمی تیموش کنیں
رہ گوز پلین پیادگ ایں گورانڈے کوش کنیں
چترے کشیں زبادیں ناہ و شیرگ پیش کنیں
دیز پادیگ آس جاھا کتل چاہ جوش کنیں
گرادگایں آسک آھوگ وسرگ پیلوش کنیں
مجلسے نندیں دمان ساحتے حاموش کنیں
وش گؤش ایں شعرا سرودی گوش کنیں
کو کوی وشین توارانت بلبلان بیہوش کنیں
زیمل و زھیری خیالے ادیبان دلگوش کنیں
بندیں دیوانے بلوچی و نگدھیں گفتار کنیں
شاعری حرفان ادیبی کچہیں سنگار کنیں
پشت قرطاسے کتابی نقطہاں زیبدار کنیں
نگرھیں نقشاں حسابی کاغدے آبدار کنیں
سطر و گالبنداں بلوچی سچہ و پلگار کنیں
اشرفی حرفان مروچی دفترا ڈولدار کنیں
لیڈوے نیست این قدیمی کواٹان نیش کنیں
مصلحت رسم ان ادیبی بیا وتا نیدوش کنیں
کاروان رفت پداین ما بلوچ بیا ھوش کنیں
مۓ زبان شیرے بلوچی عزتی درپوش کنیں
جوھریں حرفان مۓ قدیمی چوش کنیں
تچک سچکانیں توارا پہ ردا دلگوش کنیں
گوھرین گالان بلوچی پہ کتابی پوش کنیں
شیرکنیں لبزا بلوچی ییا وتئ گل پوش کنیں
آسکانی مقصد زبانیں سجہینان لوڈ کنیں
سیدے گال راستگین پروشتگیناں جوڈ کنیں
هیچ نظری موجود نیست:
ارسال یک نظر