شئر مکران : مولوی عبداللہ رواند
ﻭﺷﻴﻦ ﻭﻃﻦ مئ ﻣﻜﺮﺍﻥ* ﺩﺍﻳﻢ ﺑﺒﺎﺗَﯽ ﻛﺎﻣﺮﺍﻥ* ﺁﺑﺎﺩ ﻭ ﺳﺒﺰ ﻭ ﻣﻴﺰﺭﺍﻥ* ﻫﺮ ﻭﻗﺖ ﻛﻪ ﺗَﻲ ﻧﺎﻣﺎ ﮔﺮﺍﻥ* ﺗَﻲ ﺑﻮء ﭼﻮ ﻣﺴﻜﺎ ﺑﻴﺖ ﺯﺭﺍﻥ* ﺗَﻲ ﺩﻟـﺠﻤﻴﻦ ﮔٹ ﻭ ﮔﺮﺍﻥ* ﺳﻴاہ ﺑﻨﺪ ﻭ ﺑﺮﺯﻳﻦ ﺗﻴﻬﺮﺍﻥ* ﮔﭗ ﺟﻨﻨﺖ ﮔﻮﻥ ﺟـﻤﺒﺮﺍﻥ* ﺗَﻲ ﺳﺮﺷﻢ ﻭ ﺩﺭﻧﮓ ﻭ ﺩﺭﺍﻥ* ﺩِﺭّر ﻭ ﺳﻴﺎﺩﻱ ﺳﻨﮕﺮﺍﻥ* ﺗَﻲ ﻛﻠﮓ ﻭ ﺗَﻲ ﺁپ ﺴﺮﺍﻥ* ﺳﺒﺰﻳﻦ ﮔﻮﻧﻚ ﮔﻮﻥ ﺯﺍﻣﺮﺍﻥ* ﺧﻮﺷﺒﻮ ﺗﺮ ﺍﻧﺖ ﺍﺯ ﺯﻋﻔﺮﺍﻥ* ﻛﻮﻟﮓ ﮔﻮﻥ ﺷﻴﺮﻛـومبین ﺗﺮﺍﻥ* ﻛﻮﺭﺩﭖ ﮔﻮﻥ ﺩﺍﺯ ﻭ ﻛﻴﻠڑﺍﻥ* ﺗَﻲ ﻛﻮﭼﮓ ﻭ ﺗَﻲ ﻛﻬﭽﺮﺍﻥ* ﺩﺍﻧﻴﭽﻚ ﺷـﻤﺶ ﻭ ﻛﻠﭙﺮﺍﻥ* ﺁﺷﻜﺎﻥ ﻣﺸﻴﺮ ﻭ ﭘﻤﭙﺮﺍﻥ* ﮔﺮﻧﭽﻦ انت و ﭘﭻ ﺍِﻧﺖ ﭼﻮ ﺗﭙﺮﺍﻥ* ڈﻭلوﻚ ﮔﻮﻥ ﺯﺣﻢ ﻭ ﺍصپرﺍﻥ* ﺳﻮﻟﻴﻦ ﻛﻬﻴﺮ ﮔﻮﻥ ﺷﻨﮕﺮﺍﻥ* ﺟﮕﺮ ﻭ ﻛﻠﯿﺮ ﻭ ﻛﻮﻧﺮﺍﻥ* ﺷﻴﺮن تر ﺍﻧﺖ ﺍﺯ ﺷﻜﺮﺍﻥ* ﻛﻴﻠﮓ ﭼﻮ ﻧﻴﻠﻴﻦ ﺧﻴﺒﺮﺍﻥ* ﮔﻮﺍﺵ ﻭ ﮔﻴﺎﺑﻴﻦ ﻛﻮﺭﺳﺮﺍﻥ* ﻭﻝّ ﮔﻮﻥ ﺷﻜﺮ ﺗﺎﻣﻴﻦ ﺑﺮﺍﻥ* ﭘﺮﻣﺎﺵ ﻭ ﻣﺎﺵ ﮔﻮﻥ ﺑﺎھﺭﺍﻥ* ﭼﻴﺘﻨﺖ ﻭ ﺳﺎٹ انت ﻻغرﺍﻥ* ﮔﻮﺭُﻡ ﮔﻮﻥ ﺑَﮓّ ﻭ ﺑﺎھڈﺍﻥ* ﺟﻮﻫﺎﻥ ﮔﻮﻥ ﻭنڈ ﻭ ﺑﻮﻫﺮﺍﻥ* ﻣﺮّرن انت و ﺳﺘﻨﺖ ﺑﻴﻜﺮﺍﻥ* ﺩﺍﺩ ﻭ ﺳﺨﺎﻭﺕ ﮔﺴﺘﺮﺍﻥ* ﻟﻬڑ ﺑﻜﺶ ﻭ ﺣﺎﺗـﻢ ﺩﺭﻭﺭﺍﻥ* ﺑﻬﺮے ﻛﻨﻨﺖ ﮔﻮﺍﭖ ﻭ ﮔﻮﺭﺍﻥ* ﻋﻴﺪ ﺍﻧﺖ ﭘﻪ ﺑﺮﻫﻚ ﻭ ﺑﻴﺪﺭﺍﻥ* ﺟﻮﭘﺎﮒ ﭘُﻠﯽ ﺑﯽ ﺑﻨﺪﺭﺍﻥ* ﺑﺮﻧﺞ ﺭﻭﻥ ﻣﺮﺍﺩﯼ ﺷﺎﻡ ﮔﺮﺍﻥ* ﻧﺸﺘﮓ ﺩﻧﻲ ﭼﻮ ﮔﻮﻧﺮﺍﻥ* ﺩﺳﺘﻮﺭ ﺩینت ﭘﻪ ﭼﺎﻛﺮﺍﻥ* ﻛش انت ﭘﻪ ﺳﺮ ﺑﺎﺭے ﮔﺮﺍﻥ* ﮔﺮﺍﻣﺎﻧﻲ ﭼﻴﺮﺍ ﺗﺘﺮﺍﻥ* ﭘﻨڈﻭﻙ ﻣﻪ ﮔﻮﺍﭘﺎﻥ ﭘﺸﻜﺮﺍنت* ﻫﻮﺵ ﭼﻨﻨﺖ ﻛﺮّ ﻭ ﮔﻮﺭﺍﻥ* ﻛٹء ﻛﻨﻨﺖ ﭼﻮ ﺗﺎﺟﺮﺍﻥ* ﻛﻨﺪﻧﺖ ﮔﻮﻥ ﺯﺍﻻﻥ ﺍﻧﺪﺭﺍﻥ* ﻻﭘَش ﺩﺭ ﺍِنت* جٹ ﺍﻣﺒﺮﺍﻥ* ﻣﭻ ﮔﻮﻥ ﮔﺮعک ﻭ ﻛﻮﻛﺮﺍﻥ* ﮔﺮﮔﻮﻧﮓ ﮔﻮﻥ ﮔﺮﺍﻧﻴﻦ ﺳﺮﺑﺮﺍﻥ* ﺩﺭﻳﭙﺎﻧﭻ ﻭ ﻧﺮﻣﻴﻦ ﺳﻴﻤﺮﺍﻥ* ﺭﻭﻛﻴﻦ ﮔِﺰﺍﮒ ﭼﻮ ﻫﻨﮕﺮﺍﻥ* ﻫﺎﻣﻴﻦ ﮔﻮﻥ ﭘﻠﻴﻦ ﭘﺘﺮﺍﻥ* ﺑﺎﺠﻴﮕـﻲ ﺑﻬﺮ ﺍﻧﺖ ﺑﺰﮔﺮﺍﻥ* ﺍﻧﺴﺎﻥ ﻭ ﻣُﺮﮒ ﻭ ﺭﺳﺘﺮﺍﻥ* ﮔنجین ﭘﻪ ﻭﺍﺭ ﻭ ﻟﻨﮕﺮﺍﻥ* ﻛﺎﻳﻨﺖ ﻭ ﻧﻨﺪﻧﺖ ﺷﻬﺮﮔﻮﺭﺍﻥ* ﺑﻨﺪﻧﺖ ﺑﺮﻧﻚ ﻭ ﻛﺎﭘﺮﺍﻥ* ﻟﻨﺠﻴﻦ ﺷﮕﺰ ﮔﻮﻥ ڈﻧﮕﺮﺍﻥ* ﺳوند ﮔﻮﺍﭖ ﮔﻮﻥ ﺟﺎﻙ ﻭ ﺟﻠّڑﺍﻥ* ﺭﻣﺐ ﻭ ﺍﻭﺍﭼﻚ ﻭ ﺍﻟﮕﺮﺍﻥ* ﮔﭗ ﻭ ﮔﻬﻴﻦ ﺧﻮﺵ ﻣﺤﻀﺮﺍﻥ* ﺗَﻲ ﺳﻮﻫﻮﻳﻦ ﺻﻨﻌﺖ ﮔﺮﺍﻥ* ﺳﻴﻨﻲ ﺷﻠﻴﺖ ﮔﻮﻥ ﺳﺎﻧﺴﺮﺍﻥ* ﻛﭙّﻮک ﮔﻮﻥ ﮔﺮﺩﻳﻦ ﭼﭙّﺮﺍﻥ* ﺩﻫﻜﺎﻥ ﮔﻮﻥ ﺗﻮﺭﺍ ﺷﻴﻚ ﻭﺭﺍﻥ* ﺑﺮﺯﻳﻦ ﮔڈﻳﻼﻧﻲ ﺳﺮﺍﻥ* ﮔﻮﺭﺷﺎﻥ ﭼﻮ ﺷﻴﻨﻜﻲ ﺗﻜﺮﺍﻥ* ﺍﻳﻮﻧﺪ ﭼﻮ ﻣﺎﺭﺍ ﺷﻴﭗ ﮔﺮﺍﻥ* ﺩﻳﻮﺍﻥ ﻛﺘﮓ ﺁﺯﺍﻭﺭﺍﻥ* ﭘﻮﻥ ﭼﻦ ﭼﻮ ﻣﻮﺭﺍ ﺳُﺮﺳُﺮﺍﻥ* ﮔﻮﻥ ﭘﺎﺕ ﻭ ﻛﭙﺎﺕ ﻭ ﻛﻤﺒﺮﺍﻥ* ﻟﻮڈیگ ﮔﻮﻥ ﺗﻴﻪ ﻭ ﺗﻤﺒﺮﺍﻥ* ﻣﻮﻟﺪ ﮔﻮﻥ ﻧﺎﺯﻳﻨﻚ ﻭ ﺳﺮﺍﻥ* ﺗﻴﻤﺒﻚ ﮔﻮﻥ ڈﻫﻞ ﻭ ڈﻛّﺮﺍﻥ* ﻧﺎﭼﻲ ﮔﻮﻥ ﺻﻮﺕ ﻭ ﺯﻳﻤﺮﺍﻥ* ﺷﺎﺩﻩ ﻛﺘﮓ ﺭﻭﺷﺎﻭﺭﺍﻥ* ﺭﻭﺷﺎﻭﺭ* ﻟﻨﺠﻴﻦ ﺗﻴﺎﺏ ﻭ ﺑﻨﺪﺭﺍﻥ* ﺑﻮجیگ ﮔﻮﻥ ﻟﻮﻫﻴﻦ ﻧﻨﮕﺮﺍﻥ* ﻧﻮﻝ ﻛﻨﻨﺖ ﭘﺎﺳﻴﻨﺠﺮﺍﻥ* ﻣﭽّﻮ ﮔﻮﻥ ﺁ ﻣﺎﻫﻴﮕﺮﺍﻥ* ﻛﺎﻳﻨﺖ ﭼﻪ ﻧﻴﻠﮕﻮﻧﻴﻦ ﺯﺭﺍﻥ* ﮔﻮﻥ ﺳﺎﺭﻡ ﻭ ﺗﮕﻠﻢ ﻭ ﻟﻮﺟﺮﺍﻥ* ﻛﺎﺷﻚ ﮔﻮﻥ ﻭﺷﻴﻦ ﻛﻮﻟﮕﺮﺍﻥ* ﮔﻮﺭ ﮔﻮﻥ ﻣﺰﻥ ﻛﺎﻟﻜﻴﻦ ﻛﺮﺍﻥ* ﺩﻟﺴﻮﻙ ﺑﻨﺖ ﺧﺮﻣﺎ ﺧﻮﺭﺍﻥ* ﺗَﻲ ﺯﻳﺪ ﻭ ﭼﺮﺍﮔﻴﻦ ﺳﻮﻟڈﺭﺍﻥ* ﺑﮓّ ﮔﻮﻥ ﻧَﻠڈﻳﻦ ﻫُﺸA176;ﺮﺍﻥ* ﺑﺮّﻱ ﻗﻠﻢ ﮔﻮﺷﻴﻦ ﺣﺮﺍﻥ* ﺍﺳﭗ ﻭ ﻫﺰﺍﺭﻱ ﮔﺮُﻫﺒﺮﺍﻥ* ﺑُﺰﮔﻞ ﮔﻮﻥ ﻣﻴﺶ ﻭ ﻣﻴﻬڈﺍﻥ* ﻣَﻬﺮﻱ ﮔﻮﻥ ﭘُﻞ ﻭ ﭘﺎﻛڑﺍﻥ* ﻟﻴڈﻭ ﮔﻮﻥ ﭘﻴﻠّﻲ ﺑﺎﻫﺮﺍﻥ* دﺍچیگ ﮔﻮﻥ ﺑﯽ ﮔﻮﻣﺴﻴﻦ ﺟڑﺍﻥ* ﻛﺎﻳﻨﺖ ﭼﻪ ﺟﻴڈﺍ ﺯﻧﺰﺭﺍﻥ* ﭘُﺮﺍﭖ ﮔﻮﻥ ﺗﺎﺏ ﻭ ﺗﺎﻫڑﺍﻥ* ﮔﺎﻣﻴﺶ ﮔﻮﻥ ﺩﻳﻬﻲ ﺩﺩﺭﺍﻥ* ﺳﺎﻧڈ ﭼﻮ ﻫﻤﺎ ﺟﺎﻧﺎﻭﺭﺍﻥ* ﻧﺎﻫﻨﺠﻤﻴﻦ ﻛﺎﺭﻳﮕﺮﺍﻥ* ﮔﻮﻥ ﺍﻧﺖ ﺷﺮﻳﻚ ﻭ ﻧﻮﻛﺮﺍﻥ* ﺟﺎﻙ ﺍﻧﺖ ﻣﺪﺍﻡ ﺗَﻲ ﺟُﻤﺒڑﺍﻥ* ﺗَﻲ ﺳﺮﺑﻠﻨﺪﻳﻦ ﻣﻬﺘﺮﺍﻥ* ﺭﺍﺟَﯽ ﻛﻤﺎﺷﻴﻦ ﺳﺮﻭﺭﺍﻥ* ﮔﺮﺩﻧﻜﺸﻴﻦ ﻧﺎﻣﺎﻭﺭﺍﻥ* ﺻﺎﺣﺒﺪﻟﻴﻦ ﺩﻳﻦ ﭘﺮﻭﺭﺍﻥ* ﺷﻴﺮﻫﻤﺘﻴﻦ ﺳﻠﻄﺎﻥ ﭘﺮﺍﻥ* ﺗَﻲ ﻣﺎﻥ ﻣﻴﺎﺗﻜﻴﻦ ﻛُﻨﮕﺮﺍﻥ* ﺟﻨﮕﻮﻝ ﻭ ﺳﺮﻛُﻤﺴﻴﻦ ﻧﺮﺍﻥ* ﻧﻮﺟﻮﺍﻥ ﮔﻮﻥ ﺷﻴﺮﻱ ﺗﻴﺘﺮﺍﻥ* ﺑﺮﺍﻧﺰ ﮔﺮﻧﺖ ﭼﻮ ﺍﺷﻜﺮﺍﻥ* ﭘُﺸﺘﺎ ﻧﻜﻨﺰﻧﺖ ٹکرﺍﻥ* ﺗَﻲ ﻣﻬﺮﺑﺎﻧﻴﻦ ﻣﺎﺩﺭﺍﻥ* ﺷﻴﺮ ﺩﻳﻨﺖ ﺷﻴﺮ ﮔﻠڈﺍﻥ* ﺑﻠﻜﻴﻦ ﻛپ انت ﺭﻭﭼﯽ ﮔڈﺍﻥ* ﺑﻜش انت ﺳﺮﺍ ﭘﻪ ﺑﺮﺍﺩﺭﺍﻥ* ﺗَﻲ ﻣﻪ ﻟﻘﺎﻳﻴﻦ ﺩﺣﺘﺮﺍﻥ* ﺁﻫﻮگ ﺭﻭﺍﺟﻴﻦ ﺩﺭﻣﮕﻮﺭﺍﻥ* ﭘﺎﻙ ﺍﻧﺖ ﭼﻮ ﺁﭘﻲ ﮔﻮﻫﺮﺍﻥ* ﭼﻴﺮ ﺍﻧﺖ ﺯ ﭼﺸﻢ ﺍﺧﺘﺮﺍﻥ* ﺗَﻲ ﮔل کندﮔﻴﻦ ﻣﻪ ﭘﻴﻜﺮﺍﻥ* ﻟﺠّﺎﻧﻲ ﻧﺎﺯﻳﻦ ﻛﻮﺗﺮﺍﻥ* ﻭﺵ ﭼﺎﻣﻠﻴﻦ ﻣﻨﺠﻮ ﺳﺮﺍﻥ* ﮔﻮﻥ ﭘﺸﻚ ﻭ ﺳﺮﻳﮓ ﻭ ﭼﺎﺩﺭﺍﻥ* ﺳﻨﮕﻮ ﮔﻮﻥ ﺯﺭﻳﻦ ﺯﻳﻮﺭﺍﻥ* ﺑﻴﻜﺎﻥ ﺩﺭﻧﺰﻧﺖ ﻋﻨﻄﺮﺍﻥ* ﻣﺴﻚ ﻭ ﺯﺑﺎﺩ ﻭ ﻋﻨﺒﺮﺍﻥ* ﻋﻬﺪکن انت ﮔﻮﻥ ﺷﻮﻫﺮﺍﻥ* ﻣﻮﺭ ﺍِﺵ نہ گیند انت ﻣﺎﭘﺮﺍﻥ* ﺍَﯼ ﻣﻜﺮﺍﻥ ﺍَﯼ ﻣﻜﺮﺍﻥ* ﺩﺍﺋﻢ ﭘﻪ ﺗَﻲ ﻋﻬﺪﺍﻥ ﺯﺭﺍﻥ* ﺗَﻲ ﻣٹ ﻧﻪ ﺍﻧﺖ ﻣﺎﺯﻧﺪﺭﺍﻥ* ﺗَﻲ ﻭﺻﻔﺎ ﻛﻨﺎﻥ ﺗﺎ ﺩﻣﺒﺮﺍﻥ* ﻫﺠﺒﺮ ﻣﺒﺎﺗَﯽ ﻟﻴﻤﺮﺍﻥ* ﺩﻧﻴﺎﻳَﯽ ﻗﻬﺮﻳﻦ ﺻﺮﺻﺮﺍﻥ* ﮔﺮﺩﻭﻧَﯽ ﮔﺸﺖ ﻭ ﭼﻜﺮﺍﻥ* محتاﺝ ﻣﺒﺎﺗَﯽ ﻫﺠﺒﺮﺍﻥ* ﭼﻤﺪﺍﺭ ﭘﻪ ﺩﺳﺖ ﺩﻳﮕﺮﺍﻥ* ﺳﻮﭺ بی اھتباﺭﻳﻦ ﻣﻨﻜﺮﺍﻥ* ﻏﺪﺍﺭ ﻭ ﺷﻮﻣﻴﻦ ﻧﺎﺷﺮﺍﻥ* ﻫـﻤﺮﺍﻩ ﻣﺒَﯽ ﻧﺎﺩﻟﺴﺮﺍﻥ* ﺩُﺯّ ﻭ ﺍﺭﻭﺝ ﻭ ﻟنڈﺭﺍﻥ* ﺷﻴﻄﺎﻧَﯽ ﺑﻴﻞ ﻭ ﻳﺎﻭﺭﺍﻥ* ﺑﯽ ﻣﺎﺩﺭ ﻭ ﺑﯽ ﺧﻮﺍﻫﺮﺍﻥ* ﻟُﭻ ﻭ ﻟﻮﻧﮓ ﻭ ﻟـﻮﭘڑﺍﻥ* ﺑﯽ ﺯﺍﻧﮕﻴـﻦ ﻧﺎﺑﺎﻭﺭﺍﻥ* شیپ انت ﺗَﻲ ﻧﺎﻣﺎ ﻣﻪ ﭘُﺮﺍﻥ* ﺗَﻲ ﺻﺎﺣﺒـﻲ ﮔﭗ ﻭ ﺗﺮﺍﻥ* ﻧﻘﺶ ﺍﻧﺖ ﻣﻪ ﻛﻮﻫﻨﻴﻦ ﺩﭘﺘﺮﺍﻥ* ﮔﻮﻥ ﺍﻧﺖ ﮔﻮﺷﻮﻛﻴﻦ ﺷﺎﻋﺮﺍﻥ* ﺷﻨﮓ ﺍﻧﺖ ﻣﻪ ﻛﻨڈ ﻭ ﻛﺸﻮﺭﺍﻥ* ﺟﻲ ﻣَﯽ ﻭﺗﻲ ﻣﻠﻚ ﻛﻬﻦ* ﻣﻴـﺮﻳﻦ ﺑﻠﻮﭼﺎﻧﻲ ﻭﻃﻦ* ﺭﺷﻚِ ﻳـﻤﻦ ﺩﺍﻍِ ﺧﺘـﻦ* ﺩﻭﺳﺘَﯽ ﺑﺴﯽ ﻧﺰّﻳﻚِ ﻣﻦ* ﻫﻨﭽﻮ ﻛﻪ ﺳﺎ ﺍﻧﺪﺭ ﺑﺪﻥ* ﭘﺮ ﻣَﯽ ﺩﻻ ﻣﺜﻞ ﭼﻤﻦ* ﺗَﻲ ڈﻭﻙ ﻭ ڈﻝ ﺩُﺭّء ﻋﺪﻥ* ﮔﺰّ ﻭ ﻛُﻨﺮ،ﺳﺮﻭ ﻭ ﺳﻤﻦ* ﺯﻳﺮُﻙ ﭼﻮ ﺷﺎﺥ ﻧﺴﺘﺮﻥ* ﺑﻴﺎ ﺗﻮ ﺑﻜﻦ ﮔﻮ ﻣﺎ ﺳﺨﻦ* ﺁ ﮔﻮﺳﺘﮕﻴﻦ ﮔﭙﺎﻥ ﺑﺠﻦ* ﺩﻝ ﭼﻮ ﺯﺭﺍ ﺷﺪ ﻣﻮﺝ ﺯﻥ* ﺗَﻲ ﭘﺎﺭﻳﮕﻴﻦ ﻭﺭﻧﺎ ﻛﺞ ﺍﻧﺖ* ﺩﺭﻳﺎ ﺩﻝ ﻭ ﻟﺸﻜﺮ ﺷﻜﻦ* ﻛﻮﻫﻲ ﭘﻠﻨﮓ ﻭ ﻛﺮﮔﺪﻥ* ﺷﺎﻫﻴﻦ ﻭ ﺗﺎﺟﺪﺍﺭﻳﻦ ﻫﺪﻥ* ﺍﺯ ﮔﺮﺩﺵ ﺩﻫﺮ ﺩﻭ ﺭﻧﮓ* ﺷﺖ ﺍﺯ ﺟﻬﺎﻧﺎ ﻧﺎﻡ ﻭ ﻧﻨﮓ* ﺩﻧﻴﺎ ﻣُﺞ ﻭ ﺗﺎﺭﻳﻚ ﻭ ﺗﻨﮓ* ﺯﺭﺗﮓ ﺑﺪﺍﻥ ﺭﺳﻢ ﻓﺮﻧﮓ* ﺳﺮ ﺑﺮﻫﻨﮕﺎ ﺗﺮّﻧﺖ ﻣﻠﻨﮓ* ﺑﯽ ﺭﻳﺶ ﻭ ﺳﺮ ﺗﺎﭘﻴﻦ ﻟﻮﻧﮓ* ﭘﺮﻭﺷﺘﮓ ﺑﺪﺍﻥ ﺷﻴﺮﺍﻧﻲ ﻧﻨﮓ* ﻛپ انت ﭼﻪ ﺷﺎﮔﺎﻥ ﻧﺮﭘﻠﻨﮓ* اودا ﺩﻣﺎﻝ ﻛﻨﺖ ﺭﻭﺑﺎﻩ ﻟﻨﮓ* ﻣرت انت ﻣﻪ ﺩﺭﻳﺎﻳﺎ ﻧﻬﻨﮓ* ﻛﺮﺍﻛﻴﺖ ﭘﮕﻞ ﺑﺮ ﻗﺼﺪ ﺟﻨﮓ* ﺭﺗﻜﻨﺖ ﭼﻪ ﺑﺎﻧﺰﺍ ﺑﺎﻝ ﻭ ﭼﻨﮓ* ﺟﻮﺵ ﺟن انت ﻛﺎﻧﮕﺸﻚ ﻭ ﻛﻨﮓ* ﺩﻧﻴﺎ ﻓﺮﻳﺒﺎ ﭘﻮﺷﺘﮓ* ﻣﻬﺮ ﻭ ﻭﻓﺎ ﻣﺮﺩﺍﻥ شوﺘﮓ* ﻟـﺞّ ﻭ ﺣﻴﺎﻳﺎ ﺑﺎﻝ ﻛﺘﮓ* ﻭﺕ ﺳﻴﺎﺩﻳَﯽ ﻗﺮﻧﺎ ﺟﺘﮓ* ﺭﺷﺘﮓ ﭼﻪ ﺑﺮﺯﺍ ﭼٹﺘﮓ* ﺩﻧﻴﺎﻳَﯽ ﻧﻮﺑﺖ ﻛٹیتگ* ﺑﺎﺭﻳﻦ ﺑﻠﻮﭺ ﭼﻮ پٹیتگ* ﺣﻴﺮﺍﻥ ﻭ ﻫﺸﻚ ﺍﻧﺖ ﮔﺘﺘﮓ* ﭘﺸﺖ ﻛﻨﺰﻛﺎﻳﻲ ﻫٹیتگ* ﭘﺘﻜﻴﻨﻚِ ﻗﻮﻣﻲ ﭼٹیتگ* ﺣﻴﻒ ﺍﻧﺖ ﻛﻪ ﺷﺖ ﻧﺎﻡ ﻧﻜﻮ* ﻧﻨﮓ ﻭ ﻣڑﺍ ﻭ ﺁﺑﺮﻭ* ﻧﺎﺯﻳﻦ ﮔﻼﻧﻲ ﺭﻧﮓ ﻭ ﺑﻮء* ﺗﻨﻚ ﺍﻧﺖ ﭘﻪ ﺩﻭﺭﺍ ﻟـﺠَّﯽ ﺟﻮء* ﺟﺘﻚ ﺟن انت ﺷﻮﻣﻴﻦ ﻛﺴﻮ* ﭼﺸﻢ ﻭﻓﺎ ﺍﺯ ﻭﯼ ﻣﺠﻮ* ﺩﻧﻴﺎ ﺷﺘﮓ ﺑﻮﺩ ﻭ ﺭﺟﺎ* ﮔﭙﺘﮓ ﺟﻬﺎﻥ ﺩﻧﺰ ﻭ ﻣُﺠﺎ* ﻣﻴﺮﻳﻦ ﺑﻠﻮﭺ ﺑﻴﺖ انت ﻛﺠﺎ* ﺑﺎﻫﻮٹ ﺳﺮ ﺑﻴﺘﮓ ﭘﻪ ﺟﺎﻩ* ﮔﻮﺍﻩ ﺍﻧﺖ ﺍﮔﺖ ﺑﺎﮔﺎڑﯼ ﺟﺎﻩ* ﻣﺮﺗﮓ ﺑﻠﻮﭺ ﻧﻨﮓ ﻭ ﻟـﺠﺎ* ﺳﻨﮕﻴﻦ ﺩﻻ ﻣﺎﺭﯼ ﺩﺟﺎ* ﻧﺎﻻﻳﻘﻴﻦ ﮔﺮﺩﻥ ﻛﺠﺎ* ﻧﻴﺴﺘﻲ ﺩﻻ ﺧﻮﻑ ﻭ ﺭﺟﺎ* ﻣﺎﻟﻲ ﺯﺑﺎﻥ ﺍﻧﺖ ﮔﺞ ﮔﺠﺎ* ﺭﻳﺶ ﺍﻧﺖ ﭼﻮ ﻻﮔﺎ ﺳﺮ ﺑﺠﺎ* ﻫﺮ ﺟﺎ ﭼﻮ ﺯﻳﻤﺎ ﺟﻨﺖ ﺗﺠﺎ* ﻣﺮﺗﻨﺖ ﻣﻴﺎﺭ ﺟﻠﻴﻦ ﻣﻠﻮﻙ* ﺭﺍﺟﺎﻧﻲ ﺗﺮﺍﻧﺘﻮﺳﻴﻦ ﺳﺮﻭﻙ* ﺭفت انت ﺑﺰﻳﺮ ﺣﺎﻙ ﻭ ﺩﻭﻙ* ﻣﻨﺖ ﺍﻧﺖ ﻧﺰﺍﻧﺘﻜﺎﺭﻳﻦ ﮔﻨﻮﻙ* ﺍﻳﺮﺗﻜﻪ ﭼـﻤﻴﻦ ﻛﺎﺳﻠﻮﻙ* ﭘﺮ ﻣﺎﻝ ﻭ ﺩﻧﻴﺎﻳﺎ ﻫﺪﻭﻙ* ٹگ ﻭ ﺩﻏﺎﺑﺎﺯ ﻭ ﭘﻠﻮﻙ* ﮔﺴّﻮﻙ ﻭ ﺩﺭّﻭﻙ ﻭ ﻭﺭﻭﻙ* ﻫـﻤﺴﺎﻳﮕَﯽ ﺗﺎﻣَﯽ ﺑﺮﻭﻙ* ﭼﻮ ﭘﺎﭼﻨﺎ ﻣﺴﺖ ﻭ ﺟﻨﻮﻙ* ﻻﭘَﯽ ﻏﻼﻡ ﺍﻧﺖ ﻣﺜﻞ ﮔﻮﻙ* ﺩﻧﻴﺎ ﭼﻮ ﺍﺳﺘﻴﻨﺎ ﺷﻠﻮﻙ* ﺟﻨﺖ ﻭ ﮔﻮﺯﻳﺖ ﻣﺜﻞ ﮔﺮﻭﻙ* ﺭﻩ ﺗَﻲ ﺳڑﻙ ﺍﻧﺖ ﻣﺜﻞ ﺟﻮﻙ* ﺯﻳﺖ ﻛﻦ ﻭﺗﺎ ﺑﻨﺪﺍ ﺑـﻤﻮﻙ* ﺭُﻧﺖ ﻭ ﻣُﺸﻴﺖ ﺗﻬﻤَﯽ ﻛﺸﻮﻙ* ﺩﻧﻴﺎ ﻓﺮﻳﺐ ﻭ ﻻﺏ ﻛﻨﺖ* ﻫﺮ ﺭﻭﭺ ﭘﻪ ﺭﻧﮕﯽ ﺩﺍﺏ ﻛﻨﺖ* ﻟﻨﺘﺎﻥ ﺭﺟﻴﺖ ﻋﻨّﺎﺏ ﻛﻨﺖ* ﺯﻟﻔﺎﻥ ﭘﻪ ﮔﺮﻫﻦ ﻭ ﺗﺎﺏ ﻛﻨﺖ* ﻣﻜﺮ ﻭ ﻫﻨﺮ ﻫﺮ ﺑﺎﺏ ﻛﻨﺖ* ﺣﻴﻠّﻪ ﭘﻪ ﺷﻴﺦ ﻭ ﺷﺎﺏ ﻛﻨﺖ* ﺯﻫﺮﺍﻥ ﭼﻮ ﻣﺜﻞ ﺁّﺏ ﻛﻨﺖ* ﺷﻴﭙﻴﺖ ﺷﺮﺍﺏ ﻧﺎﺏ ﻛﻨﺖ* ﻣﺮﺩﺍ ﭘﻪ ﻣﻨﺘﺮ ﻭﺍﺏ ﻛﻨﺖ* ﻟﻨﺠَﯽ ﺗﻬَﻲ ﻏﺮﻗﺎﺏ ﻛﻨﺖ* ﺩﻧﻴﺎ ﻣﻘﺎﻡ ﻋﺒﺮﺕ ﺍﻧﺖ* ﺍﯼ ﺯﻧﺪﮔﻲ ﭘﻪ ﻧﻮﺑﺖ ﺍﻧﺖ* ﻣﺮﺩﻡ ﺍﺩﺍ ﺩﺭ ﻏﺮﺑﺖ ﺍﻧﺖ* ﺍﺻﻠﻲ ﻭﻃﻦ ﻣَﯽ ﺟﻨّﺖ ﺍﻧﺖ* ﭘُﺮ ﺍﺯ ﻫﺰﺍﺭﺍﻥ ﻧﻌﻤﺖ ﺍﻧﺖ* ﻧﻴﻜﺒﺨﺖ ﻫـﻤﻮﺩﺍ ﺭﺍﺣﺖ ﺍﻧﺖ* ﺩﺍﻳﻢ ﭘﻪ ﻋﻴﺶ ﻭ ﻋﺸﺮﺕ ﺍﻧﺖ* ﺟﻨﺖ ﺳﺮﺍﺳﺮ ﺭﺣﻤﺖ ﺍﻧﺖ* ﭘﺮﻭﺭﺩﮔﺎﺭَﯼ ﺩﻋﻮﺕ ﺍﻧﺖ* ﻧﻮﺭ ﻭ ﺳﺮﻭﺭ ﻭ ﻓﺮﺣﺖ ﺍﻧﺖ* ﺣﻮﺭﺍﻧﻲ ﮔﭗ ﻭ ﺧﻠﻮﺕ ﺍﻧﺖ* ﻗﺼﺮ ﻭ ﻛﻼﺕ ﻭ ﺩﻭﻟﺖ ﺍﻧﺖ* ﺷﻬﺠﻮ ﻭ ﺑﺎﻍ ﻭ ﻣﻠﻜﺖ ﺍﻧﺖ* ﭘﺎﻛﻴﻦ ﺷﺮﺍﺏ ﻭ ﺷﺮﺑﺖ ﺍﻧﺖ* ﺟﻮﺍﻧﻴﻦ ﻟﺒﺎﺱ ﻭ ﺯﻳﻨﺖ ﺍﻧﺖ* ﺭﺏ ﺟﻠﻴﻠَﯽ ﺭﻭﻳﺖ ﺍﻧﺖ* ﺑﻴﻼﻥ ﺑَﻠَﯽ ﻛﻪ ﻟﺬّﺕ ﺍﻧﺖ* ﺣﺮﻛﺖ ﻛﻨﺖ ﻛﻪ ﺑﺮﻛﺖ ﺍﻧﺖ* ﻛﻮﺷﺶ ﺷﻤﺎﺭﺍ ﮔﻮﻥ ﻭﺕ ﺍﻧﺖ* ﻫﻨّﻲ ﺷﻤﺎﺭﺍ ﻓﺮﺻﺖ ﺍﻧﺖ* ﺗﻬﻢ ﻛﺎﺭَﯼ ﺷﺮّﻳﻦ ﻣﺪﺕ ﺍﻧﺖ* ﺟﻨﺖ ﺍﮔﺮ ﭘﻪ ﻗﻴﻤﺖ ﺍﻧﺖ* ﭘﺮﻭﺭﺩﮔﺎﺭَﯼ ﻣﻨﺖ ﺍﻧﺖ* ﻣﺎﺟﺐ ﭘﻪ ﻛﺎﺭ ﻭ ﺧﺪﻣﺖ ﺍﻧﺖ* ﻧﻴﻜﻲ ﺑﻬﺸﺘت ﻗﻴﻤﺖ ﺍﻧﺖ* ﻗﺮﺁﻥ ﺧﺪﺍﻳَﯽ ﺣﺠﺖ ﺍﻧﺖ* ﺁ ﻛﻪ ﻧﻤﺎﺯﺍ ﻣُﺠّﺖ ﺍﻧﺖ* ﭘﺎﺑﻨﺪ ﺭﺍﻩ ﺷﺮﻳعت انت* فرمان برے وتی مات و پت انت.
+چند سطر باقی منتگ کامل نہ انت سعر.+
اشتراک در:
پستها (Atom)