بون گپ: سئ بچیک و یک جنیک
بیت یک روچ و روزگارے بیت دو برآت.
یک برآتے یک جنین چوکے بیت
و آ دگہ برآتء سئ مردئین چوک بیت.
ھر سئین مردئین چوکان لوٹ انت وتئ ناکوے زامات بہ بنت کہ ناکوے چوک اش یک جنیکے.
ھر سئین وتی پیس گوشت انت کہ مارا وتئ ناکوے زامات بکن.
پت حیرانے بیت کہ چئے بکنت،
اگر یک بچیکے سانگ بندی خبرا بکن انت آ دگہ دوئین بچیک ئ دل گران بنت.
گوڑا بچیکان ئ پیس گؤش ایت کہ شمۓ ناکوزاتک یک جنیکے و شما ھر سئین لوٹیت پرآئ زامات بہ بئے ات، و اگاں من یکے سانگ بندی خبران بہ کنان آدگہ دوئین دلگران بنت، گہتر اشی انت کہ شما ھر سئین وت وتی ناکوگے حدا بہ رؤ ات شمۓ ناکوگ بارئین چیوے گؤش ایت و کئرا وتی زامات کنت و کئرا پسند کنت ھمآی اختیار انت.
.
گوڑا ھر سئین بچیک وتی ناکوگ حدا شوت انت و ناکوگا ھر سئین دوست بیت انت و حیران بوت کہ کئرا وتی زامات بکنت.
ناکوگء گون وتی برآت زاتکان گؤشت کہ من شمارا 10 و 10 ھزار کلدار دئیان،
شما چدا برؤات و رندا چہ سئ سالء بیا ات بارئین کئ کارپد گھترے بنت گوڑا آئ منی زامات انت.
گوڑا ھر سئین برآتان شوت انت پہ یک راہے کہ آخرا ھمے راہ پہ سئ جاہا بھر بوت و ھر یک راھے پہ دگہ نیمگے شوت.
ھمدا ھر سئین براتان شئور کرت کہ چدا ھر یکے پہ یک راھے برؤت و رند چہ سئ سالء ھمے روچء و ھمے وھدا و ھمے ساعتء ھمدا "بایت" بئیت ھمدا دوچارے. ورئین و روئین.
گوڑا سئ سالء چہ رند پدا اشان ھمے جاھا دوچار وارت و وت پہ وتا جست پرس اش کرت کہ بارئین کئے کارپد گہتر انت و ھر یکے کارپد چئے چیو انت،
مسترین برآتء چہ کتابء علم حاصل کرتگ ات " علم غیبی" کہ گوستگین و آیوکین حالے زانت.
میان تاکی برآتء تخت روانے علمی حاصل کرتگ ات کہ ھر جاگہ کسے دل بہ لوٹیت وتی تخت روانء گوندو دات ھما دمانء ھما ملک و جاگاہ روت.
کسترین برآتء حکیمی علم حاصل کرتگ ات کہ ھر مردگے تازہ بمریت باز وھدی مگوزیت گوڑا آئ پدا زندگ کنت.
گوڑا مسترین برآت ایش گؤشت کہ بارئین تو وتی کتابء بچار کہ مۓ ناکوزاتک چون انت بارئین زندگ انت یا مرتگ.
آئیا وتی کتاب چار ات گؤشتی مۓ ناکوزاتک ھمش ھنو مرتگ لاشی ایرانت مردم گریوگء انت.
میان تاک ی برآت ایش گؤشت کہ بلے وتی تخت روانا حاضر کن سوار بئے ات روئین ھمودا.
وھدے کہ اودا شوت سربوت انت کسترین برآتء پہ مردمانء گؤشت شما دراھین دور بیایت اشی زندگ کنعگے درمان منا گون ایں کہ ھر کس نوک مریت آئیا یک درمانے گونیں کہ مردگے پونزئے بؤ دات مردگ پدا زندگ بیت.
آئیا ھمے درمان ماں دماغان بؤ دات جنیکء چشگے جت و پاد آتک نشت زندگ بیت.
وھدے کہ جنیک رندگ بیت و کوڑا اشانی ناکوگ حیران بیت کہ ھر سئینانی جوانیں کارپد انت و کئرا وتی زامات بہ کنت.
ناکوگء گؤشت شمۓ ھر سئیانی جوانین کارپد انت من نزاناں کہ کئرا زامات بہ کنان بلے بیا روئین یک قاضیے حدا گوڑا آئ شمۓ شریعت جنت.
گوڑا ھما جنیکء وتی پیسء گؤشت کہ اشانی شریعتء من جنان.
اگر مسترین برآتء وتئ کتاب مچارتین اشان چطور اے بزانت بوتگ ات منی باروا.
و چطور میان تاکی برآتے تخت روانء سوار بیتگ و پہ اشتاپی آتکگ اتنت.
اؤ وھدے کہ منی مرگء باز وھد بگوستین کسترین برآتے درمانء
چہ فائدہ بیتگ ات.
اؤ اے تخت روان و زندے درمان چہ ھمے کتابء جوان بیتگ انت.
گوڑا ناکوگء اے فیصلہ کرت و گؤشتی کہ منی زامات مسترین برات انت کہ کتاب ھدابوند انت.
ڈوھل و ڈومب بوت و مسترین برآت اش گون جنیکء سیردات.
گؤشت اش ترا زانان دگہ کارو بار نیست کہ تو ادا نشتگ دنتان پیش دارئے برو ھمانگو ترا کۓ اے سیرا دعوت داتگ.
کتابی حکمتی قصہ:
بارئین دراھین ادبیات و زبانے بون رھبند چہ کتاب قرآن انت.
نبیسوک آسکانی بلوچ
۱ نظر:
واجہ فکر مکن انشاءاللہ مۓ بلوچ قوم دؤر نزیک انت کہ چو اے دگہ قومانی ڈولء ھوشمند و زانتکار بہ بنت.
اے عربی و فارسی مسئلوان یلہ دئینت و وتی فائدہوا بچار انت.
سبز بات بلوچستان و ترقی کنات بلوچ.
ارسال یک نظر