گلے قدرا گل بزانت.
و وش بوا شپ پل.
بلوچ قوم ے کامیاب ی و ناکامیاب ی چیوے انت.
بلوچ قوم پہ وت براتء شیر انت و پہ دگران ی نیمگء روباہ انت. و پہ دعرین مردمان ھزار برا اوفار کنت، بلے پہ وت براتء یک برے ھوں اوفارے نہ کنت.
وھدے کہ دعرین مردم ے مدت لوٹیت دراھین موچ بنت و روانت پہ آئ مدت کنعگء تاں کہ میر بلوچ گؤشعگ بہ بنت.
بلے اگاں یک وت برات ے مرگ ے آخری نفسء بہ کعش ایت یک ے نزیک ئے نہ رؤت و دپ ی جست ے ھوں نہ کنت ی .
بلے اشی یے نہ زانت کہ من وت براتء و وتئ غریب ایں قومء مدت بہ کناں گوڑا من وت میر بلوچ بآں.
وھدے کہ انگریز آتک وت ھمراہ بیت انت و دراھین شم و دعراش سوج دئیان کت انت.
پرچیا کہ انگریزا جنٹل مین گؤشاں کت انت و ایشان پہ ھم ے توصیفا گژان بیت انت و بغل اش گواراپگ بیئان بیت انت و ملک اش چہ دستء دات.
وھدے کہ حاکم آتک دراھین گون حاکمان ھمراہ بیت انت و وتی روشن فکر و ڈعڈین بلوچ اش جنان و کوشان کت انت و گون حاکمان و دولتء ھور بیت انت پہ دپارے بٹ و نگن خاطرا.
چاکر و گوھرام دو بلوچ اتنت کہ جنگ بیت انت و دراھین بلوچ اش کوشت و کمزور کرت انت پشمکا بلوچستان چہ دست دعر شوت. و دگران مردمان ھم ے وھدا فرصت حاصل کرت زانت اش بلوچ کمزور و بے عقل لنت.
کہ دعور شاھد انت گون وت برات و قوم جنگ بیعگء ھچ کسء نام نہ کماینتگ.
او ھم ے بلوچان عربان طنز دئینت نۓ کہ ملک ے است اش و نۓ زبان و پاسپورٹ ے است اش. او پدا ھوں عربانی غلام و چم دار انت.
گوڑا چوش ایں قومء زیب ے نہ دات چوش ایں قوم ے طنز بہ دئینت دگہ کہ وتئ ملک ے مالک و صاحب پاسپوٹ و زبان انت.
عرب حضرت محمد بیتگ کہ خدایا جہان جوڈ کرتگ آئ نام ی پیسرا ماں عرش آسمانء گون وتی نامء ھور نبشتگ.
خاتم الانبیاء و خیر البشر لقب دیعگ بوتگ. و دوئین جھانان ی سردار قرار دیعگ بوتگ.
ابوکر صدیق. عمر بن الخطاب.عثمان غنی. علی بن طالب.
کہ دنیای گیشترین ملک اش گپت و اسلام اش آرتگ و جنیان ئیگ و غریبان ی حق و خساب اش گیشینتگ و سلامت ی و عدل و انصاف ی حکومت ی اش کرتگ و خالد بن ولید ھما کس بیتگ کہ اسپ ی ماں دریا سرا میدان داتگ دگہ ھچ قوم اے ڈولین شاھدی نہ داتگ و نہ دات.
عمر المختار ھما کس انت کہ وتئ ملک ی چہ رومء آزات کرت
روم ی قدرت باروا مشہور انت
اؤ گہترین جنتی زبان اش ھست پاسپوٹ اش ھست غلام و نوکر وچاکر اش ھست زر مال قصر و گہترین سواری اش ھست.
گوڑا بلوچء پرجنت کہ چوش ایں قومء طنز و شگان بہ جنت.
نۓ شما بلوچان ی مال متاہ وت برات کوشعگ دلالی انت پہ دہ کلدارا روت ات وتئ ھزار لکین براتان پہ دگران ی خاطرے کوشاین انت.
شما کرز ات و شمیدپا طام مان انت کہ عربان طنز و شگان بہ جن ات و خدای و قرآنی حرفان چہ وتی زبانء دیر بہ کن ات کہ عربی خرف انت بلوچی نہ ھنت.
پدا ھما حرف کہ پہ قرآن وانعگا کار و مرز بنت.
گوڑا دراھین خرف عربی انت اے دگہ حرفان پرچے زور ات.
زبر و زیر بغیر چہ عرب دگہ ھچ قوم زبانء نیست و کار و مرز نہ بنت پرچا شما اش کار و مرز کن ات اے وا عربی رھبند انت.
شما چہ سعدی بلوچستان ے شعران ی گوھرستان مولوی عبداللہ روانبد پیشینی صاحبء ھوشمند ترات و شعر زانتتر ات.
دراھین شاعر نہ کرز انت پہ یک این واجہ مکران شعرا.
اے گپ راست ے کہ سید ظہور شاہ شاعر بیتگ بلے زبان زانت ے نہ بوتگ آئیا مۓ زبان خراب کتگ بہ جاہ ے کہ دیمروئ بہ کنت پشت روئ یے کتگ.
.
آسکانی بلوچ
