پلین سلام بات پہ دراھین بلوچاں
واجہیں برات و بانوکیں گوھاراں
وش آتک ات روایرشت مروچاں
شما، دراھیں رودراتکی بلوچاں
آتک اؤں کہ دیوان شمۓ چاراں
قصوے جوان ایں پہ شما کاراں
پلئین دیوان یک کاغدے سنگاراں
تاں ، بلوچ ھستیں شمۓ یادگاراں
..........:......
نشتین، یک دیوان ے جوان مردی
گلزمین ے دراھین کوچیگان اندی
شاھدین زمانعگ کہ بلوچ گرندی
پرچیا واب ئے مروچی جان ژندی
نشتگ انت چار راھا تئ سربندی
سیستگ تئ صاد چہ برزا ایوندی
بلے ھچ نہ بیت گفتاران خبربندی
نبشانک و گپ رپ نقطہ رھبندی
اگاں کسے عقل ھستے خداوندی
جوان کن ات لبزے سرباز و مندی
ھر کسء ھست ان گالے لبزانکی
نیست، بلوچ ورنا یے کنیں گوانکی
بلے عقل ترینان چست و چالاکی
کشور، و کونڈان، قدے وت واکی
نقش کناں چند گال پر مداد چاکی
وش ، گؤشین گفتاران ھوسناکی
جاھلان تاچینان پہ جیڑہ و جاکی
ھچ عدا نئیلان من دشمنان باقی
مارا، ھست بازئین درد و غمناکی
یکبرے، ھر کس روت غورا حاکی
اے نبشتانکاں اگاں کس ے دلبندی
دلگوشیں، گفتار و قصو انت پندی
یک، پہ یکیء اے نقطہ انت چندی
مۓ وتئ دپ گال انت صحت مندی
نئے کہ سوج انت و بد بوئین گندی
بلکہ، العمیں پلگار انت خردمندی
نئے، کہ نازینک و قصو انت ھندی
اے ، کجہین رھبند انت خدابوندی
حضرت، عثمانء کرت قرآن بندی
عوداینت دراھین لبزانی ھنرمندی
السلام علیکمء ، واجہ وت گیندی
اے سجہین گالبندان عرب پربندی
گوڑا، بلوچ کجا زبان نیمگء نندی
فارسی ؤ اردو ھمے وڑا گالبندی
اے، عرب حرفان کسے وتا سندی
پلئین سلام گار کن ات ھوشمندی
چوشین کرداران آسکانی دزبندی
اے نہ بیتگین کاران مردم ے قندی
.
