منی جستء نہ کنت کسے مروچان.
غمان سوتکگ بدن مۓ وشین روچان.
اے امروز کٹئگ وفادار ایں دوستان.
وت برات ؤ کس ؤ سیادان شموشان.
پہ گیندا ظاھری لاغر ؤ مروکان.
چو سیدا کوہ سری انگہ تچوکان.
منء دل گیر کتگ شؤم ایں کروچان.
من ندران پر وتی قومء بلوچان.
خیال ؤ گوستگ ایں فکرانے سوچان.
پرچا چو لوھیگی لھڑان جوشان.
پر زندا یک دگہ بانورے چوشان.
شراب ؤ شادھی شیران بنوشان.
لکیران قسمت ؤ بخت ائیگ کشان.
قباح ؤ واجہی کوٹان پوشان.
چو فیل ؤ گریشگی شیران خروشان.
کلات ؤ ماڑیان برزینے فروشان.
مدام جنگاں گوں مآ دینگ ایں کروسان.
پمشکء نشتگاں ماتبندی سروشان.
گوش ایت عبدالوھاب من بی سار ؤ ھوشان.
کدی باندات بہ بیت گلزمینء ببوسان.
هیچ نظری موجود نیست:
ارسال یک نظر