دپ بیم جہ شیرا گیشتر انت
یک ھئور سالے و بشی موسمے کہ ھئورا سک باز گورت یک ھونڈے تولگ وت چوکان ھمود جاگہ کتگ ات.
چہ بازین ھئورانی گوارگا ھوڈا کموک پشت کپتگ ات کہ بہ لومبیت و تولگا وت چوک و چولانگان چیر بہ ترین ایت و بکوشیت. ھوڈے خاک پہ اشانی سرا کم کموک ریچگا اتنت.
تولگا وتی چوکانی پتا گوشت کہ من و تو اگاں مر انت پرواہ نیست بلے منئیگ و تئیگ چوک مر انت بزگ انت.
ھئور و جمبڑان سیاہ تریتگ و پیداگ انت تو زوت برو دہ دھا یک ھوڈے شوھاز بہ کن.
گڈا تولگ شوت و تریت دگہ ھوڈی نہ دیت یک شیری ھوڈے دیستی.
پدا واتری کت و آتک چوکانی ماتی حال داتگ کہ من دگہ ھوڈ نہ دیستگ من یک مزنین ھوڈے دیستگ بلے آ ھوڈا شیری پد و رند باز بیتگ.
چوکانی ماتا گوئشت چکہ ھئور ان بکوشیت بھتر ھمیش انت کہ شیر ان بکوشیت گہتر انت پادا برو ان پہ ھما ھوڈا کہ ھئور رسیت انت و ھئور ترمپ ترمپ جنگا ات.
اشان ھمراہ بیت و شوت انت
چارت اش کہ ھو واکی ھوڈ سک مزن و پراہ انت اے ھوڈ شیرئیگ انت.
ھئور گوارگا لگیت و اشان شر مھر اتنت.
ملا روباہ جہلاد پہ یک کوھی دیمگے گون شیر ئے دوچار وارت گوئشتی ھو نۓ زانان کہ شیر مرتگ انت کہ شیرانی لوگا تولگ نشتگ انت.
شیرا گوئشت کہ روباہ چوشین گپ مہ جن روباھا گوئشت برو وت بچار اگاں ترا پہ منی گپان باور نہ کنت.
شیر زھر گپت و شوت دیستی واکی تولگانی چوک منی ھونڈے دپا جوتک جن انت و تونس کن انت.
تولگا چہ دیرا دیست کہ شیر پیداگ انت گوئشتی جنین اگاں وتی ھوڈا بنشتین انت بلکہ نہ مرتگ اتنت بلے نوں زند و ظاھرین موتے کہ پہ چمان وتی گیندگا انت.
جنینا گوئشت مردکہ تو یک گپے منی بزور وھدے کہ شیر سک نزیک بیت من یک چوکے گٹے پاچان تو بگوئش جنین چوکا چون بیت بس دگہ ھچ مہ کن.
من گوئشان گوشت لوٹیت تو بگوئش گڈا گوشتی بدے.
گڈا وھدے کہ شیر نزیک بیت تولگانی ماتا یک چوکے گٹ پاتک و چوکا کوار کوار شرو کت.
گڈا چوکانی پتا گوئشت کہ
جنین چوکان چون بیت.
تولگانی ماتا گوئشت کہ چوک گوشت لوٹیت پتا گوئشت گڈا بدے جنینا گوئشت برکت تئیگا خوشکین گوشت مچ انت بلے ترین گوشت لوٹیت.
شیر نزیک ات اشکتی وتی پادی داشت انت کہ مارا خوشکین گوشت پہ ورگ نہ رسیت و اشان خوشکین گوشت نہ ورانت و ترین گوشت لوٹ انت بلکہ من ایش دیستگ پمشکا چوک گریو انت و ترین گوشت لوٹ انت چو بیت منا بور انت سوچ اش برو دگہ ھوڈے شوھاز کن گہتر انت بلکہ اے تولگ نہ ھنت دگہ جانور انت کہ تولگ ھمرنگ انت اگاں نہ تولگا چوشین ھمت نیست کہ منی ھوڈا جاگہ بہ کن انت و چہ من مہ ترس انت.
آسکانی بلوچ
هیچ نظری موجود نیست:
ارسال یک نظر