قل ھواللہ پروردگار بے تای انت _ دراہیں مسلمان کردگار شاہ انت
قاصد دریں محمد مصطفی انت _ چار یار انت کہ راہیں روشنا انت
ھدایت نورے وسیلہ قرآن انت _ خالق ارواحئے نام رحمان انت
دراہیں کؤن بشرانی مہربان انت _ محشر روچا قاضی حاکمان انت
ویل کن ات کبرا ضد بادشاہ انت _ قوم بدبختی نشان چہ جاھلان انت
جاہل نئے کوٹ نئے کہ کانٹ دار انت _ جوان ایں انسانے راہ شیطان انت
اے، نہ انت طنز و نئے شگان باز ایں _ کلیں نصیختان ئی اشارہ گمراہ انت
ملک سردار ضد و حسدا گردار انت _ روشنفکرخطانی رہبندا گرفتار انت
زمگ بے شپانک وت سرا ویل انت _ گلزمین چپ چاگردا گرک ھپتار انت
چتو مۓ ڈول ایں نادان میارئیگ انت _ قرن بیت پہ آپ تاھاپے شوتہ گار انت
مکتبا حقوق وار و رد مستر جرند انت _ گوش کنت کئے گپء ناراہ خدابند انت
پہوالان ئی کھچر سبز و گلزار انت _ ھوشمندیں،بدواہے رمگ نزوار انت
ھئے کنیت مردان عقل گوامگاہ انت _ جاہ ابوجہل وارثئے جہلیں چاہ انت
باغ ایں بلوچستانے وا مادنیں راہ انت _ ھیسک ھمپانء کنڈگ درک جاہ انت
گال نہنت عقل ھوشئے والیگ انت _ دراھیں بلوچان ئی برنج ماہیگ انت
آسکانی یے خالیگیں ڈواریگ انت _ ھرکس منند جاھیں میاریگ انت
.
هیچ نظری موجود نیست:
ارسال یک نظر