چمشانکے پہ بلوچی زبان وانگ ؤ نبیسگ

باید انت دراھین زانتکار ؤ شائر ؤ بلوچ وتی چمشانکان بگوش انت ؤ دراھین تپاک بہ بنت.
جنگ ؤ ناراضی گپے نہ ھنت پہ دراھین بلوچ بانداتا فایدہ انت اگہ حقیقت کسے بلوچ دیمروئ لوٹیت.
اؤ آ کس کہ وتا شریک مہ کنت ؤ گوں ما ھم فکرے ؤ ھم خیال مہ بیت گہوڑا ما سرپد بنت کہ بلوچ دوست واہ نہ ھنت ؤ آئیانی سیاست انت ؤ بس.

زبان یک ھنچوشین چیزے کہ مردم عزت ؤ شرف بیان کنت ؤ مردم دلکش ھوں کنت ؤ مردم دلفروش ھوں کنت.

عربی ؤ فارسی زبان ما ؤ شما بچار انت کہ چطور شیرین ؤ وش انت مردما وتئ نیمگے کشیت ؤ ھر کس لوٹیت کہ بلد بہ بیت.
ؤساز ؤ زیملان گوش داریت اگر چہ بلد سرپد مہ بیت.
ؤ اردو زبان ھوں وش انت.

پرچا کہ اشان دراھین حرف عربی ھور انت البتہ چیزے کہ چہ وتئ نیمگیش زیادہ کتگ آئیانی اختیار انت.
بلے عربی حرف اش دیر نہ کتگ انت ؤ باز جہدش کتگ بلے امکان نہ بیتگ ؤ زبانش بی تام بیتگ پہ ھمے وڑا گھوڑا عربی دراھین حرف اش پدا ھمگرنچ کتگ انت ؤ زبانش تام دار انت.

بنگالی ؤ ملباری ؤ دگہ بازین زبان ھست انت کہ عالمی پسند نہ ھنت ؤ وت پسند انت.


بلے ما ھوں گیندین کہ بلوچی زبان زیمل ؤ ساز ھر کس وش بنت.
گھوڑا ما وتئ نبشتانکان پرچی بد ڈول بکن انت کہ مۓ زبان سادہ ھوں بیت کنت ؤ گران ھوں بیت کنت.

1. اولی گپ ھمش انت کہ بلوچی نبشتانک گون انچوش حمزہ ؤ بگربدارا باز وقت خراب کنت ؤ باز کاغدے ھوں نقصان کنت کہ اشتاپ ھچبر مردم پہ نبیسگا کت نکنت مطلب اگر دہ ملٹ کار انت بیست ملٹی پہ کار بیت.

2. دومی مردم یک درخواست پہ بادشاھے یا مزنین مردم ؤ سربرای کرا ببارت ؤ پیش بکنت.
گھوڑا ھما سیاھگ کسان بہ بیت کہ آئ زوت ونت بہ کنت ؤ تئ دردا وت سرپد ببیت اگر چہ قبولی مہ کنت بلے پہ دگہ برے زانت و تئ کاغدا مھر بجنت کہ چوشین مردما باز وقت نیست ؤ وقتی تنگ انت.
اگہ نہ ھما سیاھگ ؤ تاک باز ببنت گھوڑا آئیا زور جنت ؤ چم جنت بازین وانگا ؤ تئ طلب رد کنت ؤ یا کہ دگہ کسے داتی پہ وانگ ؤ فیصلہ کنگا گھوڑا تئ قسمت انت بلے گیشتر کہ تئ کار نبیت یا کہ باز تچ ؤ تاچ لوٹیت پہ ھما کارا کہ پنچ ملٹ کار انت تو دلجم بے کہ بیت یا نبیت.

3. بلوچی طلب گون انچو حمزہ ؤ بگربدارا چطور کسان بیت کنت ؤ مقصد پورا نبیسگ بیت کنت.
یا کہ پہ خبرنگارے یا کہ یک مزنین مردمے خبر کنگا انت تو پہ زوتی آئ دراھین خبران نبشت کت کنے اؤ آئ صبر نکنت کہ تو آئ گپ نلئکہتگ انت یا کہ آئ حاجت ھست یا کہ تئ پرواہ کنت صبر کنت پہ تو.

4. انسان ھما کارا بکنت کہ یک بانداتے ھما کارا بہ بیت اگہ نہ بازین فایدہ ئی نیست بلکین نقصان اھتمالی ھست انت.

واجہ سید ظھورشاہ اگر اے حرف دور مہ کتین انت بلوچانی زبان گیشتر دیمروئی کتگ ات کم چہ کم 50 در صد دیما شوتگ ات.
بلہ بجای کہ آسانتر بہ بیتین گنتر گرانتر انت ؤ ھنچوشین نوکین نام وت اڈ کتگین مان داتگ کہ مۓ کماش سرپد نہ بنت وای پہ حال جوانان کہ شری سرا بلوچی نزان انت گھوڑا چرے اڈ کتگین نامان وتئ کماشان جست بگر انت ؤ کماش اش ھوں مہ زان انت دلفروش بنت یا نہ ؤ گھوڑا ھمے رند گیریا یلہ دئینت.

5. اگر اے حرفانی ضرورت مہ بیتین گھوڑا عالم ؤ شائران اے حرف کار مرز نکتگ اتنت.
بلے ناچار بیتگ انت ؤ پدا کار ؤ مرزش کتگ انت ؤ بلکہ دو یا سئ شائرا کار ؤ مرز کتگ انت.

اؤ اگر 10 در صد راضیگ بیتگ 90 درصد راضیگ نبیتگ.
ھچ اش نگوشتگ کہ چہ کورین چما پٹے ارس باز انت ؤ چہ ھچ نبیئگا گھوڑا ھمے گہتر; انت.

5. اؤ اے حرفانی میار ؤ گناہ چی انت کہ ما مسلمان انت چہ دراھینان مارا لازم ترانت کہ قرآن بغیر چہ اے حرفان ؤ نماز بغیر چہ اے حرفان وانگ نہ بیت.

بلوچ دو رندا بوان انت یک رندے مدرسہ ؤ یک رندے وتئ دین ؤ مذھب.

ما ؤ شما بلوچستان شائرانی شئران گوش بدارن بارین ھما کہ عربی حرف اش مان انت ؤ وشتر انت.
یا کہ مولوی عبداللہ روانبد پیشینی صاحب.
مولوی شئر دراھین چہ عربی حرفان ھور ؤ اورانت پرچا چو تامدار ؤ وشتر انت.
اؤ چہ دراھین بلوچستان شائران باجی برتگ ؤ شئری وشتر ؤ پر معنی ترانت.
گھوڑا ما بزان انت کہ بغیر چہ اے حرفان بلوچی زبان بی تام انت.

6. لازمی نہ ہنت کہ مۓ خبر کنگ گون مۓ وانگ ؤنبیسگ یک پیم ؤ یک وڑا بہ بنت.
بلوچستان کم چہ کم 100 زبان کم کم فرق کنت بلے باید انت وانگ ؤ نبیسگ بس یک وڑا بہ بنت.

ھنچو کہ اے دگران فارسی عربی اردو وغیرہ.
خبر اش فرق کن انت کہ بازین چہ آ دگرانی خبران ؤ الفاظان سرپد نہ بیت بلے خط ؤ کتابت ؤ وانگ ؤ نبیسگ اش یک پیما انت کہ دراھین سرپد بنت.

7. اے الف ؤ حمزہ ھچ لازمی نہنت ؤ انچو بگر بدار نہ لوٹیت.
کہ داراج ؤ مزن بہ بیت ؤ بلوچی نبیسگ پہ وانگا یک پیم بہ بیت.

مثال طور کسان تر شرتر انت :

بیا نای بیار دے من. نبشتانک.
بیا نایء بیار دے منء. پہ خبر.

نلوٹیت. نبشتانک.
نہ لوٹ ایت. خبر.

مثال : بازین الفاظ کہ حرف دور کتگ انت مردم اڑیت سر پد نہ بیت.

گمان : غمان یا گمان انت.
غمان : سرپد انت.
پلانی : پلانی یا فلانی انت.
فلانی : مردم انت.
پلانی : پلانی تاک ؤ پل انت.
گپتار : گپتار یا گفتار انت.
گپتار : حرف گپتگین انت.
گفتار : گفتار انت.

فلانی بیا انگو پلانی نیمگا. سرپد.
پلانی بیا انگو پلانی نیمگا.ناسرپد.

8.بلوچی نبشتانک پہ کمپوٹرا انپیج ڈون لوڈ کنگ یا پہ دست نبشتانک لازمی انت.
چو کہ سید ظھور شاہ حرف دیر کتگ انت سیاھگانی.

بلوچانی چوکان چونڈے نان پہ ورگ نرسیت ؤ شرین کیف ؤ کتاب ؤ قلمے کجای انت کمپوٹر.

9. بلوچی نبشپانک انپیج ھمرگرنچ یا ڈون لوڈ لوٹیت کہ کوھینین وینڈوز ؤ کمپوٹران چہ بغیر نوکینان ھوں کار نہ کنت
پدا پہ بلوچان مشکل بیت کہ ھنی دنیا باز دیما شوتگ ؤ نوکین وینڈوز کار ؤ مرز کنگ بیتگ.

10. اے دراھین مشکلات پہ ھمے حرفانی وجہ بیت انت کہ سید ظھورشاہ دور دور داتگ انت ؤ کم کم بلوچ چوک چہ وتی زبان ؤ رسم ؤ رواج دیر بیتگ ؤ گیشتر دیر بیان انت.
او مردم کہ پہ راجا یک کارے کنت باید انت بانداتی بہ بیت ؤ وتی حالتا مہ چاریت باید انت ھما غریب ترین راجے ؤ زھگے فکرا بہ بیت کہ بارین دراہین راج دستا بیت کنت یا کہ آسان بہ بیت تک راج دلفروش مہ بیت ؤ گیشتر دیمروئ بہ کنت.



بلے مقصد اے نہ ھنت کہ ما سید ظھورشاہ بی منت بکن انت.

ما باید انت کہ سک باز آئ احتراما بکن انت کہ آئ پہ وتی حدا باز مھنت کتگ چیزے کہ زانتگی ؤ
بلوچی زبانی زندگ داشتگ.


بلوچ راجے کستر آسکانی بلوچ