منا یاد ایں گلزمین دراھیں نشانی.
رواں ھر جاہ نگینداں دروشمانی.
رواج ھست ایں پیشیگ ایں رسمانی.
سرود سازین بلوچ نازروکیں دستانی.
تاریک اش پہ شعر دپ گال بیانی.
یک توصیف ے دل و جانی دعیانی.
چہ موسم وش و گلزار ایں بہاری.
شپانگ تاپ دیما نشتگ رمگ چاری.
شریکان سند گؤپ گوش کوکور بیاری.
واھوند چہ شہرا مضاتیگ ی ناہ کاری.
غریب مسکین فقیر ھچ بہر نداری.
زکاۃ دیہک اے مال انت چوروانی.
قلم وصفا بہ کنت ھوشک بنت سیاھی.
گل ایں بلوچستان مۓ کرز ایت تئ ستای.
ھنار ھنگور درچکاں سر شمانی.
زران انت بوئ چہ دورا موسمانی.
.
کلیر وش تام کونراں کوہ سرانی.
عجب وش انت چو شہدا شکرانی
.
آپ برفیں ماں گرماں سر زھانی.
زمستانا باپ کنت آپ کہن جوانی.
عجب رسم ے بلوچا ھست گؤشانی.
پلئین پیادگ دایما مہمان ایں بلوچانی.
بروت ڈال شاہ ریشاں تئ جوانی.
قطار بستگ ھموک وھد پہ میانی.
نگہپان ات پہ راجا دعور برانی
خیال دار ات پہ دراھین بزگانی.
دیوان ات ھموک روچ سر شپانی.
توار رفتگ ھموک جاہ تئ گپانی.
محبت مہر و اعروس شادکامی.
تاروکیں شپاں بیت انت ماھکانی.
مہار شوشینگ گومس پل مہریگانی.
سوارات تچوکیں گروھبرا میر منگہانی.
سنگت لگاما گر مبائے یکدم روانی.
شاعرانی کارے پربند جوانیں گالانی.
تو چئ لوٹ ئے آسکانی جٹ مکرانی.
قاتل بار تئ تگردی گوپتگین سچکانی.
بلہ گپ و رپ قصوے گونڈ ایں زبانی.
پمشا گوشان انت پر بلوچی آسکانی.
هیچ نظری موجود نیست:
ارسال یک نظر