یا خداوند و خالق رحمان ایں
پر ھموک کارا لایقیں جوانیں
عقل پہ انسانء جوڈی کرت پراہیں
کلین جہانانء انسان مانند ماہ ایں
پر مۓ حالء ندارگ کن دراہیں
آپتے ٹوھیں کپتگ ایں گران ایں
مشکلے ہست مارا قلم کاریں
پر وتا چونین نقش سنگاریں
جاہلیں مردانی غمان ھور ایں
کاہلیں ما کہ قسمت کمزوریں
ھرچے نابود بوت پر ما تاوان ایں
کس نہنت دشمن ما تی نیکوایں
پلیین بلوچستان مرچان ویرانیں
ماں گعر و گٹان نشتگ حیرانیں
ھرچ، قدر علم ئے دفترا وان ایں
گلزمینء دراھیں دل منی مانیں
دراھیں بلوچانی دل و جان ایں
کہچر و طیابان سر مۓ قربانیں
اے، سجہیں قصوا چہ ترا زانیں
پر چشین کاران تی وتی شانیں
وس کنان ھرچے نئے منی کاریں
پر منی چمان ، انسان نادراہ ایں
ھر، کسء گیندئے دیما بیزار ایں
فکر و خیالاتاں کپتگ دل گرانیں
گاہے شاہزانت و گاہے نادان ایں
گنجے چاگردا مۓ وراک ڈال ایں
گورتہ ھؤرا و کؤر و کوہ ہاریں
بیا روئیں سربازی حدا بہار ایں
پر گیندا گلزمینے دل منی گار ایں
ماں دعریں ملکے نشتگ واریں
آسکانی، نابودے کہ بی مال ایں
شر بزان ات کہ اے منی گال ایں
.
هیچ نظری موجود نیست:
ارسال یک نظر